Pepperonis Pizza & Cafe

Open Now

Now Closed

星期一行完蚺蛇尖落山餓到肚都扁埋，行下行下去左呢間餐廳又唔駛等位，兩人入去坐低就拿拿聲叫野食:全名唔記得，雞肉藜麥沙律咁上下啦，其實呢碟四人份量都OK , 當然咁開胃既前菜落響兩個行完山既餓鬼面前就梗係唔會剩啦。8吋海鮮薄餅，餐牌有8,11同15吋既薄餅order , 呢塊8吋2人份量有4塊，厚批(口味人人唔同我比較喜歡薄批)，餅夠熱夠鬆化，係海鮮料既種類略嫌太單一，總括黎講都幾好食。炸魚薯條，魚肉夠油夠滑，但塊皮油益味較重。不過唔知點解，薯條好好食，完全無油益味，唔通係唔同油鑊炸出黎?香辣海鮮意粉食落有辣味但唔算好辣，蜆肉用蒜頭爆到開口先起鑊，兜熟意粉再回鑊，所以蜆肉無腥味，辣味同蒜味撈得洽到好處，但都係同一問題，海鮮食材種類太單一，但一碟意粉有十幾廿隻蜆，出面真係叫餸都未必有。星期一同二晚上6-9買一送一，買二送二，送果樣以價錢較低為準。飲埋杯啤酒都係$399,抵食到核爆。