倫敦大酒樓

Open Now

Now Closed

130012082022黎到呢間還有推車仔點心同大排檔點心既酒樓，中午時間好好彩有侍應招呼，坐左張唔洗搭枱。咁好快有d點心車推到堆黎叫賣點心，感覺就好似返到八九十年代，好快先點了咖喱魷魚，香濃既中式咖喱加上土魷爽口中帶著絲絲既微辣，刺激每個味蕾，而最重要是下面夾雜著豬皮同魚蛋，豬皮吸收了香濃咖喱，唯獨魚蛋太淋，美中不足。好快另一部點心車到就叫了叉燒包同燒賣，叉燒包入面既叉燒超多，填滿晒整個包，一口咬入每一啖都有叉燒，肉質鬆軟有豬肉香味，但叉燒汁就好少，比較乾身。燒賣就非常正，豬肉同蝦肉非常配合彈牙爽口，有海鮮有豬肉唯美中不足是我食左兩粒先記得影相。