牛扒先生 (Closed)

今日 lunchtime 同 3 個同事見到到 Mr. Steak 有食 lunch 買 3 送 1，所以就試下。首先就有自助 salad bar 一次，有生菜，apple salad，蕃茄等等，不過不失。Salad 之後就係湯，個 cream of potato soup 好好味！之後主菜，我地點左 2 個鴨胸，2 個豬扒飯，分量一般，但味道都唔錯，而因為之前已經食左一大碟 salad 同湯，個主菜分量少 d 都食到我地好飽。之後到飲品，除左普通的 tea or coffee 外，仲有 2 款特飲選擇，唔洗加錢，我點左一個蜜糖特飲，味道都幾特別！飲品之後仲有甜品，唔好以為係好求其o既甜品喎，有 5 個選擇，個個都好似好好食咁！好似有焦糖檸檬 tart，tiramisu，yogurt parfait 同我地試左o既酒心朱古力蛋糕！我個人認為個朱古力蛋糕係成個 lunch 最正o既！最後，埋單 $213 / 4 人，每位 $53。好飽好豐富的一個午餐！