九鼎百味 (Closed)

呢日同屋企人去咗街市嘅熟食中心食dinner，喺街市食小炒好有風味，呢間餐廳仲做緊優惠，每日都有一款特價小菜，除此之外，每點一道小菜都送一支啤酒，岩哂成班人過黎一路睇波一路食野啊。打開餐牌，見到有好多小菜可以選擇。小食有花生同青瓜。我哋點咗四個小菜，首先係豬紅，份量都幾多，好抵食。另外，仲點咗豬耳，口感好爽脆。蔬菜方面，我地點左豆苗，餐廳呢日仲提供左好嫩既豆苗。最後，點少得雞煲呢，呢度既雞煲夠哂鑊氣，辣辣地，配飯食一流。