涼皮小姐‧麻辣米線專門店 (Closed)

踏單車踏到攰，要去食啲嘢，咁啱呢間店可以俾我哋拍單車係門口，又可以幫我哋睇住單車，就入咗去食。佢係食米線既專門店嚟，望落幾骨緻，唔多人。🍲酸辣米線（bb辣）芝心丸加貢丸首先揀湯底，然後再揀麵底同配料。我就揀咗酸辣湯米線，因為唔係超級食得辣，就揀咗bb辣。啲配料都幾多，米線都好有咬口，湯低尚可。貢丸不過不失，芝心丸就咬落啲芝士湧曬出嚟，可以做到芝士拉絲，好正。食完成個鼻都係鼻涕，要帶多幾張紙巾。🥄一口酸菜魚呢個賣相都幾特別，店家把酸菜魚放係一個匙羹入面，一羹羹咁上。酸菜魚很重香料味同太咸，因個人嚟講唔係太喜歡食太咸太重味既東西，所以麻麻地。整體來講，我覺得米線ok，但酸菜魚真係麻麻。#涼皮小姐麻辣米線轉門店 #酸辣米線 #bb辣 #芝心丸 #貢丸 #一口酸菜魚 #酸菜魚