酒燒弄 (Closed)

最近好似特別鍾意試唔同嘅居酒屋🏮不過香港嘅居酒屋真係比較唔抵食🤡我覺得呢間係性價比較高 雖然食物選擇唔算太多但係整體質素都幾好🍻-嗰晚唔算叫咗好多嘢食 不過所有食物都係新鮮即整上枱🔥整體都幾好食 當中我印象最深刻嘅一定係佢當日特別精選嘅燒蠔🦪喺Regular餐牌係冇㗎 但係有驚喜地好食🥰睇樣就知道佢似係少少炙燒過嘅生蠔 帶海水嘅鹹味之餘 入口超級嫩 多汁又新鮮🫶🏻🦪個炸雞都好出色🥰炸粉唔厚 外皮薄薄脆脆的 肉質仲係好嫩 又鎖住到肉汁🐣不過最下酒嘅一定係雞軟骨 枝豆嗰啲🤭其實我唔記得影晒所有嘢食🤣但係我覺得佢幾款雞類嘅串燒都好唔錯🥰