やき肉 (元州街)

Open Now

Now Closed

本身諗住去長沙灣食嘢，但係經過呢間燒肉店見幾有新意同唔貴，就決定入去試一試佢。佢店舖嘅設計絕對適合一個人至兩個人去食燒肉。今次我哋兩個人，就一人叫咗一個set。一個set包咗肉，湯，泡菜，同白飯。啲肉嚟到，個色都好似有啲變變地，賣相就唔太吸引。燒落去啲肉好癡個網，加上個網冇固定好令到好難燒。牛五花カルビ嘅味道都仲可以接受，但係牛板腱同牛舌就又冇咩味，同薄左少少。個湯都好味精嘅感覺，泡菜就可以啦。但值得一讚嘅係佢嘅蒜蓉汁，幾香。豬就反而比牛好食。總括而言，質素來講就非常之普通，但係價錢唔貴，所以如果一個人突然間好想食燒肉嘅時候，都值得考慮。但係如果追求質素嘅話，就唔使專登過嚟食。