Video
Read full review
2015-09-05
1403 views
位於炮台山既俺之沾麵，係屬於香港少有以沾麵為主打既拉麵店(雖然呢排多左)，同深水埗既隱家係姊妹舖，但隱家味道真係不敢恭維，意想唔到既係俺之沾麵湯底竟然做得唔錯。其實foodki幾鍾意呢種裝修，日本風得黎又舒服 有外賣麵蕃茄味俺之沾麵(7.5/10)($85)以豚骨湯底做底，加上蕃茄蓉同香蔥，微酸，加上小小辣，與豚骨味混合，味道好好，質素真係唔錯，同以蕃茄拉麵起家既mk『醬家』既湯底有過之而無不及梅肉叉燒，放係湯入面，算係一般水準。筍同埋糖心蛋foodki都係幾鍾意，糖心蛋岩岩好半熟，超級流心😳，筍就非常爽，就算放耐左都好好味。呢到仲有一個好處，就係所有配料都可以揀多揀少，隨自己喜歡。但呢間有個大缺點，就係麵竟然係熱到出曬煙，麵黎到既時間痴埋曬一齊。除左痴埋一齊之外。熱麵令拉麵少左＂爽口＂既感覺，唔少日本出名既沾麵店都係以熱水煮熟，再用凍水沖番凍，達至爽口彈牙既口感，其實係咁熱既天氣，唔需要以熱麵減少沾麵湯熱度流失，做多一個步驟，味道會更佳。#foodki香港拉麵漁場台風=BB ramen>銅鑼灣一蘭>廣島霸嗎>武士>富士山55=台風>🌟俺之沾麵🌟
位於炮台山既俺之沾麵，係屬於香港少有以沾麵為主打既拉麵店(雖然呢排多左)，同深水埗既隱家係姊妹舖，但隱家味道真係不敢恭維，意想唔到既係俺之沾麵湯底竟然做得唔錯。其實foodki幾鍾意呢種裝修，日本風得黎又舒服
有外賣麵
蕃茄味俺之沾麵(7.5/10)($85)以豚骨湯底做底，加上蕃茄蓉同香蔥，微酸，加上小小辣，與豚骨味混合，味道好好，質素真係唔錯，同以蕃茄拉麵起家既mk『醬家』既湯底有過之而無不及
梅肉叉燒，放係湯入面，算係一般水準。筍同埋糖心蛋foodki都係幾鍾意，糖心蛋岩岩好半熟，超級流心😳，筍就非常爽，就算放耐左都好好味。呢到仲有一個好處，就係所有配料都可以揀多揀少，隨自己喜歡。
但呢間有個大缺點，就係麵竟然係熱到出曬煙，麵黎到既時間痴埋曬一齊。除左痴埋一齊之外。熱麵令拉麵少左＂爽口＂既感覺，唔少日本出名既沾麵店都係以熱水煮熟，再用凍水沖番凍，達至爽口彈牙既口感，其實係咁熱既天氣，唔需要以熱麵減少沾麵湯熱度流失，做多一個步驟，味道會更佳。#foodki香港拉麵
漁場台風=BB ramen>銅鑼灣一蘭>廣島霸嗎>武士>富士山55=台風>🌟俺之沾麵🌟>神虎>拉麵Jo>周月>豚骨一休=豚王>尖沙咀一蘭=松壱家=三田製麵所>醬家>博多一幸舍>隱家>別天神>富山
Post
