和牛燒肉一郎 (荃灣廣場)

Open Now

Now Closed

2024-07-04 同朋友聚餐，見呢間係Openrice上面評價都唔錯所以就揀咗呢間，點知食到我頭都痛埋。一落完單，和牛壽司就上檯，味道好差，醋味好重，感覺就好似食緊一舊固體醋咁，咁我都未覺到反感，始終呢間餐廳主打燒肉。而第二樣上檯嘅就係牛五花，上菜速度係快，但可惜啲雪都未浴曬，另外牛肉質素好差，完全冇肉味，食幾舊已經唔想再食了。炸物方面，叫咗碟炸蠔，一上檯已經覺得唔對路，有一股濃烈嘅腥味，自問自己好食得腥，所以膽粗粗咬落去，果然令我冇失望，舊蠔唔新鮮嘅程度係要即刻要吐返出黎。最後甜品方面，佢地啲芝士布甸味道係唔錯嘅第一舊食完即刻想encore，點知食第二舊個陣就中伏，苦嘅，應該係壞咗。總括而言，呢間餐廳食材保存可能有啲問題，唔會再有下次。