Video
Read full review
2021-12-27
526 views
本身book咗8點鐘食飯，見早咗到就睇吓可唔可以早啲入座，點知職員都係叫我哋準時先可以安排入座，咁早到未有位坐呢樣我地都可以理解。但我地行到夠鐘落返去間舖頭都要等成廿分鐘先有位，仲要唔問都唔安排。好啦，之後打開menu睇，發現原來同幾年前嘅完全唔同晒，掀咗幾次都完全揀唔到食咩。最無言係佢個餐牌有分普通價同埋會員價，但佢個會員價係完全唔make sense，一碟普通嘅意大利粉都要成四百幾五百幾蚊，而佢個會員價個價錢就比較合理，不過就要人哋加成$1500做佢哋會員先有得享用個會員價⋯實在揀唔到叫咩嘢食，所以最後叫咗個雞扒松露意大利飯，心諗應該冇死啦，然後份野嚟到真係呆左，個賣相同張相完全唔同，最離譜係我阿媽叫咗西蘭花雞肉長通粉，但賣相勁似茶餐廳碟頭飯咁⋯話晒都係西餐廳點解會咁⋯好講返嗰雞扒松露意大利飯，個份量雖然係好大，有兩份大塊雞扒，但個飯得一執仔，仲要係嗰飯同雞都超級超級鹹，嗰雞仲要完全冇肉味，識落個口感似食緊雞肉腸咁，食落係好爽口，唔似係肉嗰種質感，懷疑唔知係咪用合成肉整出嚟，然後我問屋企人佢哋叫嗰啲嘢食味道如何，佢哋都話好難食好鹹！因為實在太難食，我哋連影相嘅心情都冇。淨係影咗小童
好啦，之後打開menu睇，發現原來同幾年前嘅完全唔同晒，掀咗幾次都完全揀唔到食咩。最無言係佢個餐牌有分普通價同埋會員價，但佢個會員價係完全唔make sense，一碟普通嘅意大利粉都要成四百幾五百幾蚊，而佢個會員價個價錢就比較合理，不過就要人哋加成$1500做佢哋會員先有得享用個會員價⋯
實在揀唔到叫咩嘢食，所以最後叫咗個雞扒松露意大利飯，心諗應該冇死啦，然後份野嚟到真係呆左，個賣相同張相完全唔同，最離譜係我阿媽叫咗西蘭花雞肉長通粉，但賣相勁似茶餐廳碟頭飯咁⋯話晒都係西餐廳點解會咁⋯
好講返嗰雞扒松露意大利飯，個份量雖然係好大，有兩份大塊雞扒，但個飯得一執仔，仲要係嗰飯同雞都超級超級鹹，嗰雞仲要完全冇肉味，識落個口感似食緊雞肉腸咁，食落係好爽口，唔似係肉嗰種質感，懷疑唔知係咪用合成肉整出嚟，然後我問屋企人佢哋叫嗰啲嘢食味道如何，佢哋都話好難食好鹹！
因為實在太難食，我哋連影相嘅心情都冇。淨係影咗小童嘅漢堡餐，呢個餐都要成$100。但真心，以個包嚟講，M記都靚仔過佢⋯完全唔知佢值嘅價錢喺邊😵
最後埋單，職員係咁說服我哋用$1500買會員，話可以平一半。你係好食就話啫，但問題係你間店啲嘢真係好難食，要人點樣去買？
然後佢自己間店係有個普通會員可以免費申請，咁就可以全單八折，但同職員講嘅時候，佢竟然唔知道，仲話冇呢樣嘢，係咁叫我哋用$1500買就有折扣優惠。最後比返間店個app佢睇，佢先死死氣俾返個八折我哋⋯
冇諗過冇去幾年，Ruby Tuesday 嘅質素下降咗咁多，好掛住以前佢嗰個沙律吧，嗰陣真係好好食，而家冇沙律吧我都可以理解，但其他嘢食應該要加錢合理同埋好食先係！而呢餐應該係我食過2021年最難食嘅西餐，仲要每份嘢食都要二三百蚊，真係超級無敵失望啊🤯🥺
21 views
0 likes
0 comments
Post
