Video
Read full review
2019-02-17
1106 views
每次去米線陣都好少叫其他野，一定係滋味二人餐，因為太抵食喇～不過最近食都覺得質素差左，配料減得就減，以前可以揀既鮮竹腐皮卷、柱候牛腩同黑醋豬軟骨都冇哂影，湯底又時濃時淡同埋每！一！次！重複幾多次都係唔記得走芫茜！同店員反覆確定佢一定係話ok冇問題，但黎到永遠都係好多芫茜。。。希望可以俾啲心機保持返當初食既質素啦～不過抵食黎講每個餐包兩碗米線（兩款配料）、一款特色小食、一款風味小食、菇菌時蔬同兩杯冷熱飲品，$159算係非常抵～👍🏻鹵水雞翼配香酥豬頸肉米線（麻辣蕃茄湯底）哩個湯底要加$2不過次次都會加，因為好多蕃茄肉好濃味，仲同麻辣好夾，雞翼醃得好好唔會太咸，仲好大隻添唔會瘦猛猛😂不過豬頸就差少少，好細塊同埋太乾，冇左平時豬頸肉應有既juicy特選小食揀左黑醋豬軟骨因為米線配料唔俾揀🤣黑醋汁酸甜好開胃，豬軟骨亦炆得夠淋風味小食揀左花雕醉雞翼以前係一份醉雞例牌黎架，不過而家轉左雞翼😭酒味都冇以前咁濃，不過都尚算ok濃湯菇菌時蔬以前個湯真係濃味同鮮甜，但而家已經變左個普通烚菜加幾條菇～😣飲品有芒果鐵觀音同青瓜豆漿我超鍾意佢個青瓜豆漿！！兩樣野加埋係估唔到咁夾！最緊要係唔算好甜，豆味濃郁，以前會
同埋每！一！次！重複幾多次都係唔記得走芫茜！同店員反覆確定佢一定係話ok冇問題，但黎到永遠都係好多芫茜。。。
希望可以俾啲心機保持返當初食既質素啦～
不過抵食黎講每個餐包兩碗米線（兩款配料）、一款特色小食、一款風味小食、菇菌時蔬同兩杯冷熱飲品，$159算係非常抵～👍🏻
鹵水雞翼配香酥豬頸肉米線（麻辣蕃茄湯底）
哩個湯底要加$2不過次次都會加，因為好多蕃茄肉好濃味，仲同麻辣好夾，雞翼醃得好好唔會太咸，仲好大隻添唔會瘦猛猛😂不過豬頸就差少少，好細塊同埋太乾，冇左平時豬頸肉應有既juicy
特選小食揀左黑醋豬軟骨
黑醋豬軟骨
74 views
0 likes
0 comments
因為米線配料唔俾揀🤣黑醋汁酸甜好開胃，豬軟骨亦炆得夠淋
風味小食揀左花雕醉雞翼
花雕醉雞翼
65 views
0 likes
0 comments
以前係一份醉雞例牌黎架，不過而家轉左雞翼😭酒味都冇以前咁濃，不過都尚算ok
濃湯菇菌時蔬
濃湯菇菌時蔬
98 views
0 likes
0 comments
以前個湯真係濃味同鮮甜，但而家已經變左個普通烚菜加幾條菇～😣
飲品有芒果鐵觀音同青瓜豆漿
青瓜豆漿
83 views
0 likes
0 comments
我超鍾意佢個青瓜豆漿！！兩樣野加埋係估唔到咁夾！最緊要係唔算好甜，豆味濃郁，以前會個別用即棄膠杯裝，而家環保就改用左可重用膠杯，成間舖都轉用紙飲管（客人主動要求先提供）
Post
