33
14
13
Level4
194
0
2017-04-17 1781 views
今日爸爸要出旺角整電話,咁就順便去飲茶,真係千祈唔好去。絕對係,貼錢買難受!門口侍應已經無乜禮貌,同佢講3位,佢係無反應既,我再同佢講,佢仲好似嫌我唔耐煩咁叫我坐低等等喇。😒我再問佢,下,唔洗攞飛架?佢話唔洗架,等陣喇。好似講到我好煩我唔識野咁。蝦腸係第一碟到,我食嗰舊無乜特別,屋企人食到有啲蝦霉左。雖然我食嗰舊啲蝦無變,不過啲腸粉好厚,好似食緊河粉咁。然後到紅油炒手,食左一啖,嘩,勁大陣薑味。我淨係食到薑味,同埋食到啲肉勁唔新鮮。流沙包,係最正常既點心。係真係流既,不過個包有陣少少嘅怪味,但都叫做食得,至少無變味。蝦餃都叫做ok,都係至少無變壞無怪味,但唔叫做好好味,啲蝦係無味既。因為食蝦餃想點辣醬,我前後一共問左三個人,都唔拎比我。自問態度無特別差,正正常常咁問「有無辣椒油呀唔該」,第一個唔知答左乜然後無左回事。第二個叫我等等然後行左幾個圈都無左回事。到第三個仲要話返我咁既態度叫我等陣,我燥左話返佢,我叫左兩次都無人攞比我。佢就叫我自己去睇下推車仔嗰啲有無,我問佢咁係咪姐係自己去攞?佢又話唔係,一陣攞比我,不過佢最後係無攞到!呢個馬拉糕不知所謂,未見過發唔起既馬拉糕仲要攞出黎比客食
Read full review
今日爸爸要出旺角整電話,咁就順便去飲茶,真係千祈唔好去。絕對係,貼錢買難受!

門口侍應已經無乜禮貌,同佢講3位,佢係無反應既,我再同佢講,佢仲好似嫌我唔耐煩咁叫我坐低等等喇。😒我再問佢,下,唔洗攞飛架?佢話唔洗架,等陣喇。好似講到我好煩我唔識野咁。
下午茶孖寶——韮皇鮮蝦腸
$30
25 views
0 likes
0 comments
蝦腸係第一碟到,我食嗰舊無乜特別,屋企人食到有啲蝦霉左。
雖然我食嗰舊啲蝦無變,不過啲腸粉好厚,好似食緊河粉咁。
京川紅油炒手
$12
21 views
0 likes
0 comments
然後到紅油炒手,食左一啖,嘩,勁大陣薑味。我淨係食到薑味,同埋食到啲肉勁唔新鮮。
招牌流沙飽
$14
16 views
0 likes
0 comments
招牌流沙飽
$14
12 views
0 likes
0 comments
流沙包,係最正常既點心。係真係流既,不過個包有陣少少嘅怪味,但都叫做食得,至少無變味。
下午茶孖寶——蝦餃
$30
26 views
0 likes
0 comments
蝦餃都叫做ok,都係至少無變壞無怪味,但唔叫做好好味,啲蝦係無味既。

因為食蝦餃想點辣醬,我前後一共問左三個人,都唔拎比我。自問態度無特別差,正正常常咁問「有無辣椒油呀唔該」,第一個唔知答左乜然後無左回事。第二個叫我等等然後行左幾個圈都無左回事。到第三個仲要話返我咁既態度叫我等陣,我燥左話返佢,我叫左兩次都無人攞比我。佢就叫我自己去睇下推車仔嗰啲有無,我問佢咁係咪姐係自己去攞?佢又話唔係,一陣攞比我,不過佢最後係無攞到!
懷舊馬拉糕
$12
6 views
0 likes
0 comments
呢個馬拉糕不知所謂,未見過發唔起既馬拉糕仲要攞出黎比客食!
食落好硬好實,一啲都唔鬆軟,仲要有陣好臭既油膉味。
食左一啖都要吐返出黎。
花膠灌湯包
$14
10 views
0 likes
0 comments
花膠灌湯包
$14
13 views
0 likes
0 comments
呢個花膠灌湯包完全食唔到有花膠,雖然我都唔期望十幾蚊有花膠食到,但都無諗過啲肉好似霉霉爛爛。
個湯好腥,唔知係咩湯黎。
鮮竹牛肉球
$7
8 views
0 likes
0 comments
呢個牛肉球又有故仔講,個啊姐推車仔黎上點心,咁我就問佢辣醬係咪係到攞,佢答完係叫我自己攞之餘,仲要叫我攞埋個醋。我完全唔明白點解可以叫客人做野?第一你一啲都唔忙,第二你啲態度勁差,好似奉旨咁。

整體黎講,所有有肉類既點心都係霉霉爛爛咁,店員嘅服務態度係勁差。公道講句,價錢係幾平既,不過唔覺得食物既質素可以差到變變地咁。食物質素差到咁,平極都用,免費都唔會再去!
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2017-02-10
Waiting Time
15 Minutes (Dine In)
Spending Per Head
$50 (Tea)