芊彩餐廳

Open Now

Now Closed

一行三大一小去迪尼staycation, 第一晚黎呢度食dinner。餐廳分2輪，6點或8點，用餐時間90分鐘。15週年套餐$388，南美洲餐$428，相差$40，但係南美餐個頭盤同甜品好似開心好多，所以就試吓。餐湯係正正常常，但係佢哋嘅麵包非常好味😋詞語托盤，包括六款食物，上枱真係有驚喜，擺碟靚之餘亦都好好味，估唔到咁大堆頭，見到都開心。至於 main course，我哋揀咗海鮮帶子闊條麵，煎鱈魚，同埋烤牛柳。Pasta個汁甜甜地，我覺得幾好味，但係我老婆就嫌個汁太過小朋友，佢唔鍾意。至於煎鱈魚，有少少overcook, 但係都係接受到嘅程度。反而牛樓係最差，冇乜特別，肉又唔係特別靚。輪到甜品時間，佢將三個大人餐嘅甜品擺埋一齊，上枱嘅時候真係話一聲，大堆頭，見到好開心。至於兒童餐，都係正常迪士尼兒童餐，冇乜特別。