Video
Read full review
2012-06-21
5095 views
我同老公都勁鍾意BBQ, 聽朋友講君悅酒店的BBQ BUFFET好正, 一於去試下. 果日朝頭早落雨, 仲驚無得食添, 因為係outdoor的, 好彩夜晚無落雨, 不過好大風, 差D吹到連隻碟都反埋. 經過泳池到左餐廳, 離門口好遠已經有個笑容可掬的帶位姐姐歡迎我地, 一座低就俾好香既燒烤味道吸引住, 急不及待即刻出去拎野食. 冷盤有好多靚海鮮, 好大隻龍蝦, 仲爆晒羔添, 又有琵琶蝦, 超級厚肉的大蜆, 巨型波士頓龍蝦拑, 食兩隻龍蝦已經回本. 仲有好新鮮既沙律, D車厘茄個皮係脆的, 好鮮甜, 連埋頂果種, 唔係一般貨色, 煙三文魚鹹度適中, 個龍蝦凍湯好濃郁, 不過唔夠凍. 千奇唔好錯過酒店好出名的 Homemade Liver Pate, 用黎擦餅乾或者麵包真係一流呀.食左兩轉冷盤, 好想再encore, 不過要留肚食BBQ, 唯有忍下口, BBQ 有好多選擇, 燒羊架最正, 師傅仲好體貼問你要生D定熟D, 燒魷魚好鮮味, 加埋D泰式醬汁, 食到唔停得口, 燒豬頸肉好 juicy, 不過燒乳豬個皮就硬左D. 到我最愛既甜品, 比 Tiffin Lounge 的選擇少, 但貴精不
經過泳池到左餐廳, 離門口好遠已經有個笑容可掬的帶位姐姐歡迎我地, 一座低就俾好香既燒烤味道吸引住, 急不及待即刻出去拎野食. 冷盤有好多靚海鮮, 好大隻龍蝦, 仲爆晒羔添, 又有琵琶蝦, 超級厚肉的大蜆, 巨型波士頓龍蝦拑, 食兩隻龍蝦已經回本. 仲有好新鮮既沙律, D車厘茄個皮係脆的, 好鮮甜, 連埋頂果種, 唔係一般貨色, 煙三文魚鹹度適中, 個龍蝦凍湯好濃郁, 不過唔夠凍. 千奇唔好錯過酒店好出名的 Homemade Liver Pate, 用黎擦餅乾或者麵包真係一流呀.
食左兩轉冷盤, 好想再encore, 不過要留肚食BBQ, 唯有忍下口, BBQ 有好多選擇, 燒羊架最正, 師傅仲好體貼問你要生D定熟D, 燒魷魚好鮮味, 加埋D泰式醬汁, 食到唔停得口, 燒豬頸肉好 juicy, 不過燒乳豬個皮就硬左D.
到我最愛既甜品, 比 Tiffin Lounge 的選擇少, 但貴精不貴多, 最鍾意佢地既日式芝士蛋糕, 又香又軟又唔會好heavy, 不過雪糕有小小失望, 果晚有四種味道, 但係無我鍾意既椰子, 芒果同朱古力, 而且個雪櫃唔夠凍, 有D溶溶地.
Oh, 差D唔記得介紹下個環境添, 我地六點半到, 泳池有好多人游緊水, 周圍都係樹, 好有 resort 度假 feel, 雖然大風, 但係環境好舒服, 勁 relax, 好似去左外國咁. 個 buffet 食到成十點, 可以慢慢坐, 休息下再食過.
Post
