潮州邨 (Closed)

估唔到呢度都幾細，同韓雅林share同一層。安排咗我同男友坐喺一張卡位檯，好舒適。仲對住部大電視添。餸菜不太大碟，可以多點幾款。但我倆不算太大食，所以只點了迷你潮州粿，一咸一甜，咸的應該是韮菜粿，而甜的應該是鼠殼粿掛，一黑一綠的，幾好味。芋頭滑雞，芋頭汁味香濃，配上雞肉，送飯一流。金華四寶蔬，有冬瓜、白菜、津菜、冬菇、磨菇、蘿蔔及金華火腿等做材料，但味道太鹹了，不合格。最後更點了生磨合桃糊及福果綠荳爽做甜品，後者比較好，但也只是一般，不吃也罷。順帶一提，侍應招呼不錯，值得稱讚。