Season. Café

Open Now

Now Closed

同同事趁lunch去咗公司樓下嘅Season Cafe，真係好開心！因為我哋兩個都食量細，所以決定一齊share一個意粉，再加啲小食。佢哋嘅lunch有幾個選擇，我揀咗E餐，嗌咗蟹肉菠菜忌廉汁意粉，聽落就已經好吸引。我仲upgrade咗個法包蘑菇忌廉湯，真係好香濃，湯底滑滑地，啖啖都有蘑菇嘅味道，搭配法包食真係最對味。意粉方面，蟹肉同菠菜搭配得幾好，忌廉汁唔會太膩，蟹肉好鮮甜，食落去好滿足！小食方面，我哋叫咗慢煮香蔥牛舌串燒，同埋香煎鵝肝多士。牛舌串燒慢煮得非常入味，口感柔軟，仲有香蔥嘅香氣，真係好好味！至於香煎鵝肝多士，鵝肝外脆內滑，配上多士一齊食，味道更加豐富。呢個餐仲包咗杯嘢飲，我就選咗暖暖嘅紅棗蜜，飲落去好舒服解渴。兩個人一齊食晏，食咗咁多樣嘅嘢，每人先百幾蚊，真係好抵！Season Cafe啲嘢係有返咁上下水準，下次仲會再嚟！