卷福和他的朋友們 (Closed)

上星期同同事見完客，見完已經夜晚八點，正值晚飯時段，朋友介紹呢間由國內引入餐廳，主打龍蝦，見同事見客見得咁順利， 所以我都諗住請佢食返餐，結果就跟佢意思過嚟。黎到餐廳可能已經九點過咗晚飯時段所以人流並不多，餐廳環境非常舒適，座位同枱面都非常寬敞。由於已經係非常肚餓嘅關係，所以我哋聽從店員推介，嗌左一道龍蝦同酸菜魚。嘢食好快就上枱，龍蝦份量比餐牌圖片仲要多，而酸菜魚份量同樣唔細。龍蝦菜式有濃烈嘅嘅蒜香味，醬汁非常惹味，從來未係其他香港餐廳食過，結果我同同事分別食咗三碗白飯，醬汁真係非常適合用嚟撈飯另外龍蝦亦都非常新鮮，我哋落單嘅時候係揀咗澳洲小龍蝦，咪試其他產地，但係澳洲小龍蝦肉質真係非常彈牙，結果我同同事極速清晒而酸菜魚亦都做得非常出色，酸味同辣味都非常突出，鹹酸菜相信係用上品，因為食落並唔會過鹹仲有淡淡的菜味。結果兩個男人食咗一個鐘頭都冇就已經清晒兩碟份量唔細嘅菜式，絕對會再嚟！