大勝丼 (Closed)

聽朋友介紹，話有間日式料理店好受歡迎，於是同朋友去試下。去到餐廳門口，見到有好多排隊，店員話平均要等20分鐘先可以入座，我地等左一陣就有位坐。餐單上有個自選魚生飯，我自己點左吞拿魚、油甘魚、海膽，佢仲送左湯同甜品。佢嘅油甘魚幾好味，吞拿魚同海膽算係高質，特別係海膽，難得鮮甜，平時香港食果d海膽都係有d腥，呢度嘅海膽好甜，值得再食。之後上埋牛肉飯，佢嘅牛肉燒得好香，超足醬，口感一流，食左一塊已經停唔到口。