Video
Read full review
2023-07-29
2225 views
炮台山站附近嘅<四寶食堂>係一間好受歡迎，人氣高企嘅茶餐廳，成日都要排隊，今晚好好彩，等咗十分鐘就可以入座，仲要安排到坐得舒服嘅卡位，今晚當然要食番餐飽嘅！～晚餐叫咗<胡椒清湯牛拼盤>，套餐附送養生燉湯，只需加$28，仲有升級前菜，同埋飲品一杯，真係超級抵食！～今晚嘅養生燉湯係<排骨粟米舞茸湯>，呢個湯真係用料十足，成個燉湯盅入面放滿咗材料，而且呢個湯入口非常清甜好味。叫咗半隻<拔道腩水門雞>，上枱嘅時候真係畀佢嚇咗一跳，因為真係好大碟，分量超級足，水門雞已經去曬所有骨，入口啖啖肉，而且雞嘅肉質非常鮮嫩，附送嘅醬汁微辣惹味。前菜叫咗<蒜泥白肉黑毛豬>，黑毛豬嘅份量都好多，而且個人非常鍾意佢嘅蒜香醬油味道，又濃又香口。主角<胡椒清湯牛拼盤>出場，呢個餸真係非常足料，有牛肉丸、牛腩、牛脷、仲配有好多嘅白蘿蔔。呢個牛腩嘅清湯底非常清甜，而且牛肉嘅味道非常香濃，無論牛脷、牛腩同埋牛丸都非常之好食。<拔絲山楂汁菠蘿咕嚕西班牙黑豚肉>呢個咕嚕肉絕對係五星級嘅質素，餐廳用咗優質嘅西班牙黑豚
晚餐叫咗<胡椒清湯牛拼盤>，套餐附送養生燉湯，只需加$28，仲有升級前菜，同埋飲品一杯，真係超級抵食！～
今晚嘅養生燉湯係<排骨粟米舞茸湯>，呢個湯真係用料十足，成個燉湯盅入面放滿咗材料，而且呢個湯入口非常清甜好味。
叫咗半隻<拔道腩水門雞>，上枱嘅時候真係畀佢嚇咗一跳，因為真係好大碟，分量超級足，水門雞已經去曬所有骨，入口啖啖肉，而且雞嘅肉質非常鮮嫩，附送嘅醬汁微辣惹味。
前菜叫咗<蒜泥白肉黑毛豬>，黑毛豬嘅份量都好多，而且個人非常鍾意佢嘅蒜香醬油味道，又濃又香口。
主角<胡椒清湯牛拼盤>出場，呢個餸真係非常足料，有牛肉丸、牛腩、牛脷、仲配有好多嘅白蘿蔔。呢個牛腩嘅清湯底非常清甜，而且牛肉嘅味道非常香濃，無論牛脷、牛腩同埋牛丸都非常之好食。
<拔絲山楂汁菠蘿咕嚕西班牙黑豚肉>
呢個咕嚕肉絕對係五星級嘅質素，餐廳用咗優質嘅西班牙黑豚肉來做材料，咕嚕肉即叫即做，炸起來入口外皮特別香脆，咬落去肉質鬆軟，味道酸酸甜甜，而且仲好juicy，特別開胃!!~
最後叫咗碟<瑞士汁炒牛河>，鑊氣超足，醬油味香濃，而且仲有好多牛肉，非常好食!!~
整體來講，餐廳嘅食物質素非常之高，冇諗過茶餐廳都可以做到咁完美嘅小菜，下次有機會一定會再來!!~
Post
