薩莉亞意式餐廳 (新都城大廈) (Closed)

因為價格超值，對於作為學生既我同朋友，依間餐廳真係不可多得既飯堂。是日我自己食左一個明太子意粉，一個墨汁海鮮意粉，同朋友share左一個雞肉多利亞，一個辣肉腸pizza同一客魷魚筒。可能因為個人口味既問題，初嘗試既明太子意粉唔太對胃口，縱然味道尚可，但明太子汁太膩。相對，墨汁海鮮意粉既海鮮數量唔少，墨汁美味開胃，但不得不提兩者既意粉質地都很不錯，非常爽口。雞肉多利亞縱然雞肉數量稍嫌不足，但芝士味很濃，芝士與雞肉的搭配出人意表地美味。辣肉腸pizza既芝士與蕃茄醬都很美味，開胃之餘另人想一吃再吃。魷魚筒既量好夠，魷魚既爽身加上燒汁既味道同少少炭燒既味道，非常美味，可以說是本餐最美味的一碟。是日埋單70幾蚊，簡直令人難以置信，排左半個鐘隊都抵晒啦!!