Villa Villa Burger (Closed)

漢堡包🍔是大眾食品，做得好也不容易，見開飯網介紹，這裡的漢堡包很出色，今天經過小店，為食的我們又經不起誘惑，一人一個餐試下。每個餐都包飲品及薯條 ，薯條新鮮炸出 ，好粗一條見到就想食。等做漢堡包之時 ，我們就 忍不住食薯條， 果然非同凡響 ，外脆內嫩 ，新鮮薯仔的香味非常好食。兩個漢堡包🍔先後整好，份量十足，賣相一流，人未食得，相機先食。📸店小姐姐認真包裝，包裝盒好科學， 一級蓋就撠實 ，完全冇難度 ，而且返到屋企個漢堡包依然亮麗堅挺 ，一啲都冇影響外表， 真係犀利。 雙層牛肉漢堡包好大一個 ，我極盡櫻桃大嘴💋之能， 都未能一啖咬曬落去，只咬了一半， 裏面啲牛肉鮮嫩多汁 ，冇筋冇渣 ，濃香牛肉味 ，不得不提入面的焦糖洋蔥🧅， 非常香甜 ，同牛肉絕配 ，仲有新鮮嘅蕃茄🍅 ，食落又多汁又好味 ，真係超值超好食。💯👍👍朋友仔食蝦堡 🦐，佢話都有好有蝦味 ，唔錯 ，我下次都試下呢個蝦堡 。我哋仲叫咗椰菜沙律， 脆卜卜， 加埋啲沙律汁， 非常清新好味 ，總之今日呢個漢堡餐 ，非常之好味 😋😋，超值 👍，滿分。💯