Video
Read full review
2022-12-20
49 views
🐽 - Tseung Kwan O - Burger's Friend Forever話說係將軍澳既Monterey 商場內及外圍都開咗好幾間唔同既餐廳、cafe或者茶飲店，間間都有佢唔同既特色，一早已經想試咗好耐🤤今次就特登同朋友去咗呢間專門食burger既小店，就咁睇佢Menu都已經見到有好多唔同種類既漢堡選擇，包括有牛、豬、雞、魚以及素食類，啱哂好多有揀飲擇食問題嘅朋友🤣而且除左漢堡，仲有好多其他野食可以揀，小食類意粉類等等。。最特別係見到竟然有生酮類既漢堡同埋曲奇😍雖然今次無機會試，不過一定會再黎食多幾次🤞🏻- BFF’s snack platter 💰$98由於見到樣樣小食都想試，所以最後就決定叫咗呢個小食拼盤😍一次過試匀哂五款野食，有雞翼三隻、韓國脆雞粒三粒、洋蔥圈六片、一口芝士三件以及番薯條，一上枱見到個食物籃嘅份量一啲都唔少，啱晒幾個朋友一齊share，雞翼大大隻，脆雞粒亦都唔係細細粒嗰啲，而且底部裝滿滿滿嘅番薯條，相信胃口細既朋友食完呢個拼盤都已經飽哂🤣- 牛油果軟殼蟹漢堡 💰$108呢間重點當然唔少得要試埋佢嘅漢堡，今次同朋友share咗個牛油果軟殼蟹，冇諗過軟殼蟹
話說係將軍澳既Monterey 商場內及外圍都開咗好幾間唔同既餐廳、cafe或者茶飲店，間間都有佢唔同既特色，一早已經想試咗好耐🤤
今次就特登同朋友去咗呢間專門食burger既小店，就咁睇佢Menu都已經見到有好多唔同種類既漢堡選擇，包括有牛、豬、雞、魚以及素食類，啱哂好多有揀飲擇食問題嘅朋友🤣
而且除左漢堡，仲有好多其他野食可以揀，小食類意粉類等等。。最特別係見到竟然有生酮類既漢堡同埋曲奇😍
雖然今次無機會試，不過一定會再黎食多幾次🤞🏻
- BFF’s snack platter 💰$98
由於見到樣樣小食都想試，所以最後就決定叫咗呢個小食拼盤😍
一次過試匀哂五款野食，有雞翼三隻、韓國脆雞粒三粒、洋蔥圈六片、一口芝士三件以及番薯條，一上枱見到個食物籃嘅份量一啲都唔少，啱晒幾個朋友一齊share，雞翼大大隻，脆雞粒亦都唔係細細粒嗰啲，而且底部裝滿滿滿嘅番薯條，相信胃口細既朋友食完呢個拼盤都已經飽哂🤣
- 牛油果軟殼蟹漢堡 💰$108
呢間重點當然唔少得要試埋佢嘅漢堡，今次同朋友share咗個牛油果軟殼蟹，冇諗過軟殼蟹嘅size都偏大，中間既牛油果都係厚切版🤞🏻基本上食落每一啖都食得到牛油果同埋軟殼蟹，唔會食到尾嘅時候得返個包皮🤣
而且值得一提既係，無論包皮同埋軟殼蟹都係熱辣辣咁樣上枱，感覺全部嘢都係即叫即整，絕對加哂分😗
- Oreo & Peanuts butter milkshake 💰$48
呢杯milkshake 真係要重點推介😍😍
真心足料到想encore多幾杯，每一啖都飲到濃濃既peanuts butter味，加埋Oreo 碎簡直係完美嘅配搭！
完全可以媲美到其他大型名牌連鎖店嘅milkshake ，不過唔知係咪太足料，飲到最尾嘅時候真係覺得幾溜😂建議可以兩個人share一杯，如果唔係驚大家食唔到其他嘢lol
Post
