Video
Read full review
2021-09-24
1122 views
Lunch time 經過，都會見到好多打工仔聚集喺陶館外等外賣。其實一路想試好耐㗎啦，不過我個飯腳成日都話佢態度好差，所以一直唔肯幫襯。今日飯腳咁啱放假，得我一個人唔知食咩好，就一於試吓陶館啦！預先打電話去外賣自取，聽電話嗰位員工都算幾好態度呀，我叫咗泰式雞扒飯， 15分鐘拎得。一打開個飯盒，嘩，塊雞扒仲大過我塊面！另外仲有幾舊白焯西蘭花，同埋一兜泰式酸辣汁。最驚喜嘅係佢仲送咗一個細蘋果同埋一包紙裝飲品茶感覺上好似都幾健康！第一次見買飯盒會送生果味道方面，我就覺得一般般啦，雞扒本身無乜味，所以一定要點汁嚟食。只能夠講，喺中環50幾蚊有咁大塊雞扒，又包埋嘢飲，都算抵食，所以日日咁多人排隊係正常嘅！不過我自己就未必會再幫襯了！
今日飯腳咁啱放假，得我一個人唔知食咩好，就一於試吓陶館啦！
預先打電話去外賣自取，聽電話嗰位員工都算幾好態度呀，我叫咗泰式雞扒飯， 15分鐘拎得。
一打開個飯盒，嘩，塊雞扒仲大過我塊面！另外仲有幾舊白焯西蘭花，同埋一兜泰式酸辣汁。最驚喜嘅係佢仲送咗一個細蘋果同埋一包紙裝飲品茶感覺上好似都幾健康！第一次見買飯盒會送生果
味道方面，我就覺得一般般啦，雞扒本身無乜味，所以一定要點汁嚟食。只能夠講，喺中環50幾蚊有咁大塊雞扒，又包埋嘢飲，都算抵食，所以日日咁多人排隊係正常嘅！不過我自己就未必會再幫襯了！
Post
