Video
Read full review
2020-12-08
40 views
Congratulations to @burger_begin for new opening!🎉🎉去到已經見到好多客啦，咁好生意，當然要試試佢地既burger點正法啦😍 呢間係立食的，沒有座位，有吧枱，雖然店面細，但老闆好有heart會逐樣介紹唔同既burger同小食，希望為客人揀到最心水之口味! 我地點左: ..皇牌鵝肝漢堡 Signature Foie Gras Beef Burger ($108)食完呢個burger，你一定會覺得呢個價錢係值得俾! 首先，淨係個包已經好好食，烘得好脆好香，有實力有心思既，就係會在細節位顯示到出來～有D會只煎靚舊餡就算，但就無理到個包點樣整先好食，但呢度，真係唔會失望! 漢堡包裡面有一塊芝士、一件鵝肝、一塊牛肉漢堡扒、少量生菜洋蔥同酸瓜. .講下鵝肝，煎得剛剛好，唔會腥，好香，果陣油香味四溢! 好得! 就連我朋友唔多食鵝肝都話好好味!! 😋 然後到塊牛肉漢堡扒啦🥩 肉味好濃郁，而且好厚，口感好正～個人偏愛厚既質地～老闆話佢地真係用上等既材料去整，決定製作呢款漢堡時，都真係試過用唔同價錢唔同牌子既食材先決定用邊款，睇得出老闆好用心去做好既野食俾大
.
皇牌鵝肝漢堡 Signature Foie Gras Beef Burger ($108)
食完呢個burger，你一定會覺得呢個價錢係值得俾! 首先，淨係個包已經好好食，烘得好脆好香，有實力有心思既，就係會在細節位顯示到出來～有D會只煎靚舊餡就算，但就無理到個包點樣整先好食，但呢度，真係唔會失望! 漢堡包裡面有一塊芝士、一件鵝肝、一塊牛肉漢堡扒、少量生菜洋蔥同酸瓜.
.
講下鵝肝，煎得剛剛好，唔會腥，好香，果陣油香味四溢! 好得! 就連我朋友唔多食鵝肝都話好好味!! 😋 然後到塊牛肉漢堡扒啦🥩 肉味好濃郁，而且好厚，口感好正～個人偏愛厚既質地～老闆話佢地真係用上等既材料去整，決定製作呢款漢堡時，都真係試過用唔同價錢唔同牌子既食材先決定用邊款，睇得出老闆好用心去做好既野食俾大家~ 成品完全無失望，完全對得住佢既理念👍🏻 老闆亦都好有信心D客會返轉頭再來光顧! 對自己咁有信心既老闆，客人仲點可以無信心!.
.
日式漢堡 Japanese Wasabi Salsa Burger ($58)
呢個幾特別! 係用左Wasabi同蔥去調製成既醬汁，有著Wasabi既香同蔥既甜，但又唔會攻鼻唔會辛辣，唔食辣既朋友都絕對可以食到!!一樣都係果款牛肉漢堡扒，少量生菜洋蔥同酸瓜。要特別講下酸瓜，上一段無講到。我以前食burger係要走酸瓜，因為太酸，但呢度既酸瓜係又酸又甜咁，齋食果塊酸瓜都好好味! 老闆話呢款漢堡包好受客人歡迎，食落真係好juicy，加上出邊真係唔多有Wasabi既醬汁，所以大家可以試下食呢個咁特別既醬汁啊!!.
.
炸金文畢芝士 Fried Camembert ($38)
見到有炸芝士咁得意，所以捨棄左薯條，試下芝士! 呢度有2款芝士，除左呢款，仲有款叫炸水牛芝士。老闆話呢款係比較濃郁D，所以我地就叫左呢款試下~ 佢既炸芝士整成一個迷你三角仔咁，幾得意~ 炸的外皮好脆，食住拉絲既熱芝士，又唔會好漏，好好味!! 芝士迷唔好錯過啦!! .
.
炸雞配秘製辣沙律汁 ($38)
Fried Chicken with creamy spicy sauce
即係好似麥樂雞咁，肉質軟滑，配埋沙律汁，好有風味!! 個沙律汁其實唔會話好辣，味道係類似千島醬咁，點埋醬食幾好味!.
.
呢度除左以上2款漢堡包，其實仲有另外4款架，不同口味，其中一款係素食者都適合食架! 就係大啡菇牛油果素漢堡! 好貼心，素食者都可以食到好好味既burger!! 😍 另外就有咸蛋黃既黃金漢堡、經典漢堡同墨西哥漢堡! 大家可以試下唔同口味! 除左burger之外，呢度仲有熱狗同其他小食! 都幾多選擇～價錢都親民架～.
.
呢度仲有個小小gimmick就係有個大畫牆，老闆擺埋盒顏色筆係度，等D客人可以自己寫野畫野上去，我都留低左我既筆跡啦哈哈哈! 大家可以玩下! 今次真係勁滿足啊💓 唔怪得開張左幾日，生意已經咁好! 👍🏻 老闆既目標係希望客人會想特登搭的士都要回頭再來光顧，我相信佢會成功架! 呢間真係值得再來既漢堡店，等我下次試下其他先！
日式漢堡
$58
0 views
0 likes
0 comments
皇牌鵝肝漢堡
$108
0 views
0 likes
0 comments
皇牌鵝肝漢堡
$108
0 views
0 likes
0 comments
日式漢堡
$58
0 views
0 likes
0 comments
Post
