半熟工房 (德輔道中) (Closed)

一見到盒散水餅，即刻全部同事都雙眼發光。好期待到底會係蛋糕定芝士撻！一見到係流心芝士撻開心到彈起！佢既芝士係勁香同勁滑，不過其實係唔會流心既，似布甸既質感較為多。啲同事個個都覺得正，認為唔會太甜，就算食飽飯食都唔會覺得好濟。撻底係曲奇底黎既，係走少少鬆軟既路線。對小妹黎講，如果再硬身啲會更完美。之前都食過佢既芝士蛋糕。對比之下，流心芝士撻我覺得正好多。因為會有撻同芝士filling既兩種質感，相對黎講口感豐富啲。芝士蛋糕就成舊都一pat pat。不過我知好多人兩樣都好鍾意啦。