Hunger Strike (第三街) (Closed)

女朋友嚟我屋企work from home，感覺好似揍細路。因為一夠三點三，佢又嗌肚餓，要食下午茶🤣。不過好彩佢都乖乖地諗好食乜，仲落埋單，我去拎就好了。餐廳按預定時間整好食物，唔使等。價錢中等，但好在用Openrice落單又有優惠碼可以用，計埋返都OK。餐廳外賣包裝好好，用紙Wrap完再加個紙盒，托住食唔怕污糟。Cheesy Beef Quesadilla勁好食，好意外，佢要時間整，而出品真係夠哂熱辣辣，餐廳拎到返屋企開始進食約十分鐘，但一食嘅感覺都堂食無分別。佢有冇十吋就有啲懷疑，但成份餅都算好大塊，如果係我食佢做午餐應該都夠飽。Quesadilla外皮脆，爆多餡，牛肉勁多，加埋生菜絲，好有質感，似牛腩，芝士係拉絲嗰種，但原來佢都幾辣，墨西哥辣椒嗰種，好惹味，女友就有啲頂唔順哈哈，但佢都食唔停口。Banana Strawberry Yogurt就係因為想嗌夠錢用code先要埋，味道正常，唔太酸。佢最大作用係解辣！女朋友真係好抵錫，又發掘好餐廳，跟住佢就唔驚會無好野食。