香江花月 (利舞臺廣場) (Closed)

屋企人黎食過幾次，覺得唔錯，於是book左1月2號黎飲茶。去到餐廳，話搵唔到我地booking，明明早幾日已經打黎訂位，擾攘左幾分鐘之後最後都安排到位置比我地，如果得我同老公應該走左啦，但因有老人家，我地都照食。一坐底，張凳好污糟，有上一round客人既食物殘渣。我係想落單，所有staff都好忙，叫極都無人應。成功落單後，經理印左張單比我地，我已經同經理表示所有野都repeat左，經理拎左張單走，話幫我地跟跟，之後一去無回頭，好混亂。結果，所有點心真係黎左兩次，仲要我地覆單覆左兩次，已經三番四次同唔同staff溝通過，都無人跟進。本來想叫多一round食物，但所有野加埋好掃興，打算去其他地方再食。灌湯餃等左一個鐘都未黎，後來經理話原來灌湯餃賣曬，師傅重新整緊。其他點心ok，銅鑼灣黎講唔算貴，但九流服務，食得好唔開心。最後埋單，仲要照收10%服務費，一定唔會再黎。