Video
Read full review
2017-01-05
1000 views
當你完全唔識嗰間餐廳嘅時候，我相信佢嘅名又或者佢有一個特別嘅標記，又或者有人介紹，先會想去食。而呢間餐廳令我想試下佢嘅原因係因為佢有一個好特別嘅名，佢擁有一個好霸氣嘅名，鱷魚。鱷魚聽落去個名又有氣勢又好似好威咁，而且行到去店舖門口，佢仲有一個好可愛嘅鱷魚標誌喺度添。呢間鋪頭開咗唔係好耐，有好新淨嘅感覺，而入邊嘅裝修簡潔。用嘅餐具都會配襯返鱷魚嘅顏色，就係綠色啦。先來一個冰亮嘅椰青椰汁冰先，清清甜甜。呢度嘅食物同一般嘅泰國餐廳都差唔多，講得出嘅都會有。而我覺得呢度比較多嘅就係除咗泰國出名嘅紅咖喱，同埋青咖喱之外，佢仲會有啲喺馬來西亞引入嘅咖喱。今次我試咗一個叫做噴靚咖啡廳。見到佢個名非常特別，首先當然係有問吓店主係啲乜嚟。原來就係話呢隻噴靚咖哩你係馬來西亞入去泰國架，所以佢嘅味道會混合左馬來西亞同埋泰國。第一啖食落去嘅感覺會係比較甜，同埋係比較傑身。雖然上面有一層紅油喺度，會令到人覺得好似好辣咁樣，但係如果你咁諗就錯喇，佢只有輕微嘅辣。食嗰時記得攪勻埋上面d椰汁。個咖喱加埋個椰汁味會更加香。我最鍾意呢個咖喱嘅係佢有好多花生嘅碎粒喺入面，食嗰陣時候會有啲花生嘅口感，咬落去又香口，好味。食咖
呢間鋪頭開咗唔係好耐，有好新淨嘅感覺，而入邊嘅裝修簡潔。用嘅餐具都會配襯返鱷魚嘅顏色，就係綠色啦。先來一個冰亮嘅椰青椰汁冰先，清清甜甜。
呢度嘅食物同一般嘅泰國餐廳都差唔多，講得出嘅都會有。而我覺得呢度比較多嘅就係除咗泰國出名嘅紅咖喱，同埋青咖喱之外，佢仲會有啲喺馬來西亞引入嘅咖喱。
今次我試咗一個叫做噴靚咖啡廳。見到佢個名非常特別，首先當然係有問吓店主係啲乜嚟。原來就係話呢隻噴靚咖哩你係馬來西亞入去泰國架，所以佢嘅味道會混合左馬來西亞同埋泰國。
第一啖食落去嘅感覺會係比較甜，同埋係比較傑身。雖然上面有一層紅油喺度，會令到人覺得好似好辣咁樣，但係如果你咁諗就錯喇，佢只有輕微嘅辣。食嗰時記得攪勻埋上面d椰汁。個咖喱加埋個椰汁味會更加香。我最鍾意呢個咖喱嘅係佢有好多花生嘅碎粒喺入面，食嗰陣時候會有啲花生嘅口感，咬落去又香口，好味。
食咖哩當然仲要配埋個牛油餅喇！
酸辣鳳爪--一個小食。係我每一次去泰國食嘢嘅必叫的小食。好鍾意佢果種酸辣美味嘅感覺。我更加鍾意食佢入面有幾種配菜，洋葱，芹菜。加埋鳳爪，三者配合埋得非常正，會令你之後嘅食慾大增。
椰青焗飯--平時一向都會食菠蘿焗飯多，今次突然間想試一試新嘅口味，估唔到咁又幾好喎。椰青焗飯d飯完全吸收晒椰青嗰陣清甜嘅味道，比起白飯好食得多。入邊仲有好多唔同嘅海鮮配料，例如青口，魷魚，鮮蝦等等，非常之豐富。上面仲有層椰汁，椰汁香甜味美，撈埋啲海鮮飯，完美之選。
溫馨提示:我初頭食嗰陣時候就甘畢啲飯嚟食，冇特別留意個椰青入邊啲嘢椰肉。到最後先至刮啲椰青肉出嚟，原來將拒撈埋落啲飯到食仲好食，超夾，值得試吓。
今日嘅亮點就係呢一個青檸烏頭魚。如果散點嘅話係需要＄158一條，但係餐廳做緊優惠，叫咗滿＄200嘅食物，就可以免費喺五個小食當中揀一個，我哋就揀咗呢一個魚，超級抵食！
味道？當然好味，好酸，好開胃，而且仲酸中帶微辣，好刺激。一啖湯，一啖魚，正！
食左甘多嘢先300蚊埋單，喺九龍城嚟講十分超值，而且有水準。最抵係拒個優惠，食滿200蚊就有嘢送，一般嚟講，兩個人，200蚊就一定食到，証明餐廳真係有心送架，哈。
Post
