賀天

Open Now

Now Closed

呢間隱藏於將軍澳嘅「賀天」，如果唔係住將軍澳嘅朋友帶真係唔知有咁高CP值嘅餐廳可以選擇。住置黎講雖然離地鐵站有少少距離，但其實行過嚟都唔使10分鐘，完全可以接受。叫左個「千葉二人前」，$528包超多野食啊！先上「芒果蟹子沙律」，大大塊芒果，配搭好有新意，甜甜地又好開胃。再黎個「四色刺身，估唔到套餐嘅剌身拼盤都咁大份，有埋三文魚，甜蝦，油甘魚同赤貝另有一大盤壽司拼盤，8件壽司全部都大大件，而且唔係豬頭骨平壽司，全部好高質。食完咁多野以為套餐包嘅兩件「法式羊架」應該都唔使咁期待，估唔到一食完完全停唔到口，完全冇羊騷味，調好晒味，燒羊架好值得再試食完咁多仲有「雜錦天婦羅」同兩碗好大碗嘅「安格斯牛肉烏冬」，第一次食日本套餐咁鬼多野食。即使好大食嘅朋友兩個人都應該會超飽。「日本帆立貝海膽盛盒」有特價$238都試埋，呢個一樣有驚喜，有鮮味嘅海膽，最緊要有超多粒新鮮又肥美嘅帆立貝，加埋滿滿嘅好大粒嘅三文魚籽，食落又係超滿足。今日（逢二四六）串燒仲有買一送一，最後都試埋燒豚肉同秋葵，全部冇伏。宜家埋單仲會送兩張$20同$50嘅晚市優惠卷，應該會再黎！