Video
Read full review
2016-11-10
2612 views
港島人十年都未入過一次元朗，黎到當然要周圍食啦。行行下見到呢條街有好多食店，於是就簡左呢間小小的日式餐廳。呢到類似一間居酒屋咁，有好多唔同嘅小食同拉麵。因為我地唔想食太飽，想留肚一陣再繼續掃街，所以只係叫左一個烏冬（$87）。烏冬有得簡唔同味嘅湯底，我地簡左芝士辣湯底，另外加左$8叉燒。湯底好濃郁，上面更有芝士粉，令味道更突出，烏冬口感岩岩好，配埋牛肉同溏心蛋重點佢大部份嘅拉麵烏冬都唔貴，好似都係五十幾，所以好抵食。我地都叫左好多嘅小食，包括唔同嘅炸物同燒物。佢所有嘅炸物都係岩岩炸好就出，所以十分酥脆。右面係忌廉薯餅（$29），忌廉薯餅入面好軟熟，重重的忌廉加淡淡的洋蔥香氣。點埋蛋黃醬減少油膩感。右面係一口芝士（$40），芝士炸完之後變軟心。外面炸到好鬆脆，唔洗用力咬芝士軟心就流出黎，熱辣辣，配埋啤酒真係又邪惡又好食。另外都叫左炸日式餃子（$24）同台灣腸（$21）。餃子外皮炸到唔會過硬同太厚，同入面嘅肉比例平均，都唔會過鹹。不過如果有日本醋點就更好啦。好少係日本餐廳有台灣腸食，見到呢到有就點埋。雖然係日本餐廳，但呢到嘅台灣腸都好正，煎到外表有少少脆，熟辣辣，鹹甜鹹甜最岩就係配酒，好食
呢到類似一間居酒屋咁，有好多唔同嘅小食同拉麵。
因為我地唔想食太飽，想留肚一陣再繼續掃街，所以只係叫左一個烏冬（$87）。烏冬有得簡唔同味嘅湯底，我地簡左芝士辣湯底，另外加左$8叉燒。湯底好濃郁，上面更有芝士粉，令味道更突出，烏冬口感岩岩好，配埋牛肉同溏心蛋重點佢大部份嘅拉麵烏冬都唔貴，好似都係五十幾，所以好抵食。
我地都叫左好多嘅小食，包括唔同嘅炸物同燒物。佢所有嘅炸物都係岩岩炸好就出，所以十分酥脆。右面係忌廉薯餅（$29），忌廉薯餅入面好軟熟，重重的忌廉加淡淡的洋蔥香氣。點埋蛋黃醬減少油膩感。右面係一口芝士（$40），芝士炸完之後變軟心。外面炸到好鬆脆，唔洗用力咬芝士軟心就流出黎，熱辣辣，配埋啤酒真係又邪惡又好食。
另外都叫左炸日式餃子（$24）同台灣腸（$21）。餃子外皮炸到唔會過硬同太厚，同入面嘅肉比例平均，都唔會過鹹。不過如果有日本醋點就更好啦。好少係日本餐廳有台灣腸食，見到呢到有就點埋。雖然係日本餐廳，但呢到嘅台灣腸都好正，煎到外表有少少脆，熟辣辣，鹹甜鹹甜最岩就係配酒，好食過某啲台灣餐廳添！
呢到嘅焗蠔（$10／1）十蚊隻炸，好平但質素一啲都唔差。我覺得芝士比蒜蓉好食。蒜蓉滿滿咁舖係蠔上面，蓉香味好重，兩者口感唔同一齊放落口好正。但芝士更吸引，焗到芝士融左，但表面又有少少焦香，食落口仲有拉絲食完之後即刻叫多左一份。
金菇肥牛卷（$39）都好好食。呢個係偏向日式嘅做法，唔知係焗定烤過之後金菇特別香，仲有配左日式的醬汁，令成個味道偏甜，同一般嗰啲有啲唔同，有驚喜
日本餐廳竟然有泰式生蝦（$49），不過呢個就麻麻地。不過呢個價錢比出面嘅泰國餐廳平，所以都可以接受。生蝦嘅感覺唔算好新鮮，食到有少少腥味，蝦上面都無蒜片，不過啲醬汁味道都不錯，算係補救番。
入到黎居酒屋酒又點少得呢，叫左1664（$36）同一支蘋果汁（$26）。呢到食物選擇好豐富，價錢都好抵食，食到好滿足
Post
