Video
Read full review
2018-06-18
303 views
九龍城多美食就唔洗講都知，由其係泰國菜，都隔左一排冇黎九龍城啦，再過黎，當然又係食泰國菜，咁多選擇咁多間餐廳真係會花多眼亂，最後揀左呢間，因為價錢真係好平民價！！！門口設計都有種茶餐廳既感覺，但其實廚房由泰國人主理，sell正宗望望餐牌，價錢分分鐘仲平過去茶記叫餸食飯！燒牛肉 $16/串雖然唔算嫰滑，但唔韌，個人覺得口感剛剛好，牛味也頗濃，再沾上沙嗲汁，惹味！燒魚餅 $15/串呢個正正常常，同平時食開既魚餅差不多，但都幾彈牙泰式燒糯米雞翼 $45/隻有驚喜！因為開頭覺得呢個比較貴，一隻雞翼要$45，但原來唔係細細隻既雞翼，連埋翼尖都有一隻手掌咁大！糯米腍糯，個人覺得認為味道唔夠濃，可以再醃咸少少，不過友人就覺得已經好夠味泰國正宗船河 $55(晚餐，午市$42)呢到船河係最出名，有廿幾款材料包括花椒、八角、南薑、香茅等等，仲有藥材例如九層塔、金不換等等熬足4個幾鐘，所以湯底會有少少藥材味。一呷湯底藥材味唔會好濃，係容易入口既味道，反倒有少少似肉骨茶，微微咸帶少少酸，河粉索左湯底好正咖哩炒蟹 原價$299(做特價$180)特價好抵食，唔係以辣味為主，反而比較重椰漿味，入口
門口設計都有種茶餐廳既感覺，但其實廚房由泰國人主理，sell正宗
望望餐牌，價錢分分鐘仲平過去茶記叫餸食飯！
燒牛肉 $16/串
雖然唔算嫰滑，但唔韌，個人覺得口感剛剛好，牛味也頗濃，再沾上沙嗲汁，惹味！
燒魚餅 $15/串
呢個正正常常，同平時食開既魚餅差不多，但都幾彈牙
泰式燒糯米雞翼 $45/隻
有驚喜！因為開頭覺得呢個比較貴，一隻雞翼要$45，但原來唔係細細隻既雞翼，連埋翼尖都有一隻手掌咁大！糯米腍糯，個人覺得認為味道唔夠濃，可以再醃咸少少，不過友人就覺得已經好夠味
泰國正宗船河 $55(晚餐，午市$42)
泰國正宗船河
$55
15 views
0 likes
0 comments
呢到船河係最出名，有廿幾款材料包括花椒、八角、南薑、香茅等等，仲有藥材例如九層塔、金不換等等熬足4個幾鐘，所以湯底會有少少藥材味。一呷湯底藥材味唔會好濃，係容易入口既味道，反倒有少少似肉骨茶，微微咸帶少少酸，河粉索左湯底好正
咖哩炒蟹 原價$299(做特價$180)
咖哩炒蟹
$180
16 views
0 likes
0 comments
特價好抵食，唔係以辣味為主，反而比較重椰漿味，入口微甜不辣，蟹鉗鮮甜，連蟹腳個接骨位真有相對冇咁嫰。不過會食得「論盡」少少，因為咖哩汁好滑手，我就唔小心滑手跌左落身到，成件衫都係，變左咖哩衫......
整體滿意，每人都係$150左右，但食到炒蟹，又有串燒同船河，味道唔錯，去九龍城食泰國菜可以remark呢間
Post
