粉紅水門雞 (中海日升中心) (Closed)

自從搬左office去觀塘之後，每日中午都出街食飯，呢到附近既野食都幾抵食，又多選擇。呢日居然可以喺觀塘搵到$36既海南雞飯，簡直就係糧尾恩物啊！睇睇餐牌，呢到選擇唔多，但貴精不貴多，唔驚有選擇困難症，而且又抵食。雖然價錢平，但絕對足料，而且水準都好高，雞肉好嫩滑，配埋好香既油飯，正。除左海南雞飯，正宗滷水豬手飯同埋Grandma咖喱牛腩飯都係36蚊咋，去邊到搵啊！呢度既飲品同小食都好抵食。小食點左芒果糯米飯同埋鳳爪！