Video
Read full review
2020-11-09
425 views
今日本身諗住話我好鍾意食韓式炸雞，但我發現原來我好多時啲post都係講我自己鍾意食啲乜乜乜，例如話我好鍾意食川菜，又或者話我好鍾意食嫩雞煨麵咁。然後我先發現，原來我係乜都鍾意食（只要佢整得好食）。今日同朋友去咗食呢間Sodam Chicken，嚟到先知道原來有炸雞放題可以叫，啱晒平時乜味都想試晒嘅我。於是就果斷咁唔睇其他餐牌，一於就試呢個炸雞放題。炸雞放題有九款唔同口味嘅炸雞同埋四款Pizza可以任叫，都只係$128。如果想任食埋焗雞同埋小食，都只係需要加$20。即係總共$148。因為我真係好貪食，乜都好想試，所以就果斷咁加$20啦。今次喺餐牌上面嘅所有炸雞同焗雞總共有16款，每隻口味都好吸引，貪食嘅我每款都有叫一件去試。以為每件都只會係細細件，兩個人食一定食得晒啦。點知原來每件都幾大件嘅。建議如果大家怕食唔晒嘅話，可以叫一啲平時喺其他舖頭食唔到嘅口味。一咬落去每一件雞都好滑，仲要爆肉汁添。嗱我要強調多次，係每一件，每一件雞，無論係炸雞定係焗雞，都係咁滑。對於呢樣野我係有啲驚訝嘅，因為平時通常食到嘅炸雞都係有骨嘅比較滑，但點都會有幾件係唔滑，至於冇骨嘅就通常會鞋少少添。但呢度每件計都係
今日同朋友去咗食呢間Sodam Chicken，嚟到先知道原來有炸雞放題可以叫，啱晒平時乜味都想試晒嘅我。於是就果斷咁唔睇其他餐牌，一於就試呢個炸雞放題。
炸雞放題有九款唔同口味嘅炸雞同埋四款Pizza可以任叫，都只係$128。如果想任食埋焗雞同埋小食，都只係需要加$20。即係總共$148。因為我真係好貪食，乜都好想試，所以就果斷咁加$20啦。
今次喺餐牌上面嘅所有炸雞同焗雞總共有16款，每隻口味都好吸引，貪食嘅我每款都有叫一件去試。以為每件都只會係細細件，兩個人食一定食得晒啦。點知原來每件都幾大件嘅。建議如果大家怕食唔晒嘅話，可以叫一啲平時喺其他舖頭食唔到嘅口味。
一咬落去每一件雞都好滑，仲要爆肉汁添。嗱我要強調多次，係每一件，每一件雞，無論係炸雞定係焗雞，都係咁滑。對於呢樣野我係有啲驚訝嘅，因為平時通常食到嘅炸雞都係有骨嘅比較滑，但點都會有幾件係唔滑，至於冇骨嘅就通常會鞋少少添。但呢度每件計都係冇骨嘅，但每件都好滑好滑，我真係好驚訝。仲要呢個咁平嘅價錢有任食，都仲可以keep到每件都咁滑，我係覺得神奇嘅。
我覺得呢度嘅焗雞個皮都係脆到好似有炸過咁，可能真係有炸過掛。但炸粉就薄過炸雞好多嘅，少啲油味但又好香脆，所以我個人就鍾意焗雞多啲啦。
22 views
0 likes
0 comments
8 views
0 likes
0 comments
今日嘅Pizza有四款，我哋就四款都有試到嘅。其實唔係好分到邊款打邊款，但係覺得好好食嘅，如果最後唔係因為太飽其實都好想叫多次pizza。
pizza
8 views
0 likes
0 comments
另外仲叫咗兩款小食，分別係韓式辣拌海蜇同埋蜜糖牛油粟米。
韓式辣拌海蜇
都幾好食，仲好似夾雜咗少少菜同雞絲添，唔錯唔錯。
韓式辣拌海蜇
11 views
0 likes
0 comments
蜜糖牛油粟米
本身對呢個其實就冇乜期望嘅，純粹係想食下粟米嘅啫。但呢份牛油粟米一上枱，係聞到勁香勁香牛油味。粟米就應該係罐頭粟米㗎啦，但啲牛油就真係好香。一路食都keep住有好濃好濃嘅牛油香，好正。食到底發現原來有好多牛油，好似覺得有啲邪惡添，不過都係好食最緊要啦。況且食炸雞放題，仲學咩人講怕邪惡啊。
蜜糖牛油粟米
4 views
0 likes
0 comments
16款雞入面，其實款款都係咁滑架啦，不過個人喜好，有幾款我私心係特別推薦嘅。
四川麻辣炸雞（期間限定）
其實從來都冇諗過四川麻辣味同炸雞可以咁夾，呢度個四川麻辣味係真係四川麻辣嗰隻味。第一啖咬落去又覺得唔係好辣，但2秒之後，嗰個辣嘅後勁就出嚟啦，係好正嘅。鍾意食川菜嘅朋友唔可以錯過呢個。
黃金鹹蛋焗雞
呢款焗雞鹹蛋味超重，一路食一路都係成口鹹蛋黃味，就好似之前好興嘅鹹蛋黃魚皮嗰隻鹹蛋黃味。一咬落去，鹹蛋黃嘅油香連埋焗雞本身爆出黎嘅肉汁，真係不得了。
黃金鹹蛋焗雞
11 views
0 likes
0 comments
蜜糖蒜香焗雞
好有蜜糖味，又有啲蒜味，仲有啲粟米片喺上面，成個combination正啊。
首爾風味焗雞
唔係好記得exactly呢個咩味，印象中好似有少少蒜味。呢個係我第一件食嘅焗雞，有記得呢個係正嘅。
雙重芝士焗雞
因為我鍾意奶類製品，而芝士係奶類製品，所以我鍾意食芝士。而呢個芝士味十足，所以我覺得好食。
韓風紫菜焗雞
紫菜味十足，雖然有少少鹹，但我覺得紫菜味幾好食。
噴火辣焗雞
同四川麻辣炸雞唔同嘅係，呢個你係一食就即刻feel到個種辣味嘅。但我個人覺得四川麻辣炸雞嗰隻辣正啲。
發現我推薦嘅幾款大部份都係焗雞，可能係我真係鍾意食焗雞多啲。如果下次再嚟（其實應該都一定會再嚟）我應該第一時間會叫四川麻辣炸雞同埋黃金鹹蛋焗雞先，一定唔可以錯過。
順帶一提，因為我係喺非繁忙嘅時段過嚟，所以可以坐到窗邊嘅梳化位，呢個位幾闊落幾舒服。
Post
