Video
Read full review
2022-09-17
40 views
呢間餐廳係由兩個年輕人一齊經營既，兩個都係廚師出身，全部菜式都係佢地自己諗，係用佢地之前做廚師嘅經驗同埋創意去諗出嚟既，欣賞佢地既熱情！同埋店主都好殷勤對每位食客介紹菜式同埋講解每道菜式背後嘅理念同食材，當中感受到佢地自己嘅要求同埋希望做好件事，佢哋仲會聆聽客人嘅意見再去調整自己嘅煮法，呢一個態度真係好值得支持！呢個價錢黎講可以食到咁有心思既fusion菜,我覺得係好值得！希望佢地繼續加油！繼續研究新菜式！ 今晚我地點左呢幾樣野：🔸️孜然風味原隻單骨雞翼 （$60，8.5／10）個雞翼上枱時好熱辣辣，外皮都煎炸得好脆，孜然味好出，好惹味。 🔸️ 慢煮黑椒牛肋條配香煎上海年糕 （$158，8／10）超大份！牛肋條有成六條咁多，好淋好入味！下面年糕煎過變得好有咬口，哩個配搭幾創新 ，我未試過咸嘅年糕，感覺幾得意。 🔸️麻香海鮮扁意粉 （$128，9／10）喺網上面啲人個個都推薦呢個意粉，老闆話佢個pesto醬係自己整嘅，特別用左松子好正宗， 另外麻香就係加左花椒油！有左花椒油果然有一大驚喜！好特別好夾嘅配搭，值得一讚！我會記得呢味菜！ 🍵 鮮奶桂花 （$40，9／10）佢係一杯Latte，老闆建
今晚我地點左呢幾樣野：
🔸️孜然風味原隻單骨雞翼 （$60，8.5／10）個雞翼上枱時好熱辣辣，外皮都煎炸得好脆，孜然味好出，好惹味。
🔸️ 慢煮黑椒牛肋條配香煎上海年糕 （$158，8／10）
超大份！牛肋條有成六條咁多，好淋好入味！下面年糕煎過變得好有咬口，哩個配搭幾創新 ，我未試過咸嘅年糕，感覺幾得意。
🔸️麻香海鮮扁意粉 （$128，9／10）
喺網上面啲人個個都推薦呢個意粉，老闆話佢個pesto醬係自己整嘅，特別用左松子好正宗， 另外麻香就係加左花椒油！有左花椒油果然有一大驚喜！好特別好夾嘅配搭，值得一讚！我會記得呢味菜！
🍵 鮮奶桂花 （$40，9／10）
佢係一杯Latte，老闆建議我飲熱飲，桂花味會出一啲，老闆話佢用乾桂花陪襯Latte，冇諗到杯咖啡更具立體感及有淡淡桂花清香，我覺得兩樣係好夾好特別。 同埋本身佢個即磨咖啡底都係靚咖啡。好飲！
🍵碟豆花檸檬梳打（$40，8／10）
紫紫地幾靚IG-able，都飲落refresh。
🍨超脆油炸鬼配芒果汁及雪糕 （$68，8.5／10）
呢個甜品一見到個名就好想試，因為油炸條既甜品真係無食過！好新奇有趣！老闆話佢地好比心機搵左好多間粥鋪先至可以買啲未炸既油炸鬼俾佢地。呢個甜品食落好得意！下面油炸鬼係有脆脆口感，佢入邊啲窿窿吸哂新鮮芒果汁同芒果肉，味道甜甜地，上面嘅雪糕配埋下面脆脆嘅油炸鬼，新鮮感一流。
🍨話梅菠蘿醬配窩夫雪糕 （$78， 9.3／10）
呢個甜品超級推介！ 一嚟佢好大份好靚好吸睛，二黎佢真係有外表有內涵，食落個窩夫好脆身，亦都唔太甜，上面嘅菠蘿醬喺新鮮菠蘿肉打出嚟既，食落到最尾有啲咸咸地 ，原來就係啲話梅味！呢個組合好等，令到我一定會記得呢個甜品 ，呢個甜品一定推介！
2 views
0 likes
0 comments
Post
