李氏廚房 (Closed)

今晚突然之間好想食炸雞就去咗屋企附近嘅李氏廚房，原來前身就係李家。一坐低店員就會送上三個前菜，有泡菜，椰菜絲及醃蘿蔔，前菜酸酸甜甜，非常開胃。我哋就叫咗自選半半炸雞，唔使淨係識一隻味，叫咗原味同芝士。炸雞炸到外皮脆卜卜，一咬開入邊好多汁，雞肉入口嫩滑，炸粉漿唔會太厚，芝士味道非常濃郁。海鮮煎餅煎餅材料10分豐富，大量韭菜和海鮮，每一啖都外脆內軟。豬肉餃子大大隻嘅餃子，外皮好薄，餡料超級豐富，咬落嫩滑多汁，點上香醋十分惹味。花甲刀削麵花甲份量非常之多，全部都係鮮甜無沙，刀削麵入口幼滑有口感，湯底超級鮮甜。菠蘿汁和芒果汁入口香甜濃郁。