大同私房菜會所

Open Now

Now Closed

今日同成班frd黎到呢間叫大同嘅私房菜食飯，係朋友食過話野食同環境都一流，黎到果然無講錯！呢度主要係食已失傳或者唔常見廣東菜，所以叫大同。第一道菜我地叫左個撈起，職員介紹話係順德人喜慶節日先食，用生菜包起魚生、白飯、辣椒醬，非常惹味😋😋第二道菜我地一人叫左一份燕窩鷓鴣粥，聽講以前要有錢人家先可以食，金華火腿熬製嘅湯底加上淡淡燕窩肉，好滋補嘅感覺😍👍🏻跟住叫左個滷水乳鴿，職員話係用陳年滷水汁浸到隻乳鴿半熟再炸，相當惹味😋呢住呢道蜜汁火方好得意，佢本來係浙江菜，但用咗菠蘿代替菜，用金華火腿夾麵包，我覺得有少少似高級中菜版pizza 嘅感覺🤣🤣我哋仲叫咗個豉椒炒蟹，辣辣地好有鑊氣，配埋清炒涼瓜，即刻解一解油膩👍🏻仲叫咗個咖喱牛腩+荷葉飯，荷葉飯超香，好過食白飯！咖喱偏向印度風，應該比較啱香港人口味～最後叫咗個蟹油拌麵，就係用返頭先豉椒炒蟹嘅油去撈麵，充滿罪惡感但好正😋當然唔少得廣東菜必食嘅甜品-陳皮紅豆沙，紅豆煮到起沙，而且唔會死甜🤤🤤為晚餐畫上完美句號。