榮哥煮場 (Closed)

🚩 榮哥煮場 秋天嚟到梗係想食啲暖笠笠嘅嘢，雖然旺角呢度食肆林立，但依間榮哥煮場都幾出名㗎！放工已經狗衝過嚟，都坐滿曬人😮‍💨〰️〰️〰️〰️〰️〰️〰️〰️〰️〰️〰️〰️〰️〰️〰️🌈濃湯花膠雞煲二人套餐 $268呢度嘅二人套餐超級抵食‼️每人百零蚊已經可以食到花膠雞，仲有小菜前菜甜品，唔要白飯嘅話仲可以轉淮山麵，烏冬等等✨陳醋木耳木耳泡發得啱啱好，唔會咬到牙較軟滿滿一碟食落微酸微辣，仲有少少蒜頭嘅香味✨濃湯花膠雞煲主菜嚟啦～湯底好滋潤，濃濃雞湯嘅味道，撈飯食一流好欣賞佢已經撇開左啲油，可以大口大口喝湯雞肉口感紮實，但不柴，配上甜甜嘅辣椒豉油，好讚花膠膠感不高，係比較爽彈嘅花膠，不過份量十足，食到底都仲有✨巴東牛肉超級大份，而且牛肉舊舊都好大粒已經炆到軟爛嘅牛肉，十分入味牛肉仲帶着少許筋位，滿滿嘅骨膠原～✨楊枝甘露是日甜品～已經預先雪得冰涼雖然細細一碗，但真材實料‼️西柚，芒果，西米，仲有爆珠食完超級滿足*飲晒成煲湯返到屋企都唔會覺得口渴，應該真係味精唔多，真材實料