Video
Read full review
2021-10-27
45 views
建議：下午茶時段 2pm開始🕑食完早餐之後一路做野做到下午茶時段🙈 係大王東街附近突然想搵杯越南咖啡飲下🤎 記得之前碌過，知道附近有間越南餐廳。等#試伏專員 S君搵路時，就隨便上網做下功課睇定有咩野好食😋 舖頭係天地圖書隔離，近近地就入左去。店員好快安排到位置，環境坐落都幾舒服寬落。今次試左：🍜主食 (午市套餐)▫️越式三寶飯 (HK$74)▪️生牛肉拼坑腩湯河 (HK$67)實在太餓既關係，最後叫左兩個午市套餐，一飯一湯河，再加左兩個小食。整體主食份量真係好夠😌 首先講下個越式三寶飯，三寶飯肉量好豐富，有齊：豬扒(1整塊)＋扎肉 (2塊) 🐽＋雞翼(2隻)🐔。估唔到會成塊豬扒切好上，食落唔嚡口，唔會太咸。不過可能放係底，所以有少少油膩。扎肉就正正常，而雞翼係最好食，夠熱而且仲有少少脆😋另外一款主食，生牛肉拼坑腩既肉質唔會嚡，生牛肉既「肥牛片」，上枱時仲係好粉紅粉紅，要靠湯既熱力整番熟👍 雖然係「肥牛片」，不過唔會太肥。加埋坑腩一齊食，啖啖肉 🍜🥤飲品▫️椰汁三色冰 (少冰，跟餐＋HK$8)▪️越式滴漏咖啡 (跟餐＋HK$18)跟餐都算抵飲，加HK$8有得飲椰汁三色冰🥥 味道中規中矩，椰汁既甜
食完早餐之後一路做野做到下午茶時段🙈 係大王東街附近突然想搵杯越南咖啡飲下🤎 記得之前碌過，知道附近有間越南餐廳。等#試伏專員 S君搵路時，就隨便上網做下功課睇定有咩野好食😋
舖頭係天地圖書隔離，近近地就入左去。店員好快安排到位置，環境坐落都幾舒服寬落。
今次試左：
🍜主食 (午市套餐)
▫️越式三寶飯 (HK$74)
▪️生牛肉拼坑腩湯河 (HK$67)
實在太餓既關係，最後叫左兩個午市套餐，一飯一湯河，再加左兩個小食。整體主食份量真係好夠😌 首先講下個越式三寶飯，三寶飯肉量好豐富，有齊：豬扒(1整塊)＋扎肉 (2塊) 🐽＋雞翼(2隻)🐔。
估唔到會成塊豬扒切好上，食落唔嚡口，唔會太咸。不過可能放係底，所以有少少油膩。扎肉就正正常，而雞翼係最好食，夠熱而且仲有少少脆😋
另外一款主食，生牛肉拼坑腩既肉質唔會嚡，生牛肉既「肥牛片」，上枱時仲係好粉紅粉紅，要靠湯既熱力整番熟👍 雖然係「肥牛片」，不過唔會太肥。加埋坑腩一齊食，啖啖肉 🍜
🥤飲品
▫️椰汁三色冰 (少冰，跟餐＋HK$8)
▪️越式滴漏咖啡 (跟餐＋HK$18)
跟餐都算抵飲，加HK$8有得飲椰汁三色冰🥥 味道中規中矩，椰汁既甜味比較淡，唔係好突出。不過杯底既豆量好足，每一啖都吸到😂 但都係無咩味，咬落有啲偏硬。
滴漏咖啡可以揀凍/熱，滴完可以搞勻杯底既煉奶，份量岩岩好。煉乳中和左越南咖啡豆既苦澀和酸味，咖啡夠香濃🤎 如果落單時，揀凍飲就會另外比杯冰🧊 不過對比下，熱啡比較好飲☕ 味道較濃。
🍽️小食
▫️燒豬肉串伴濱海 (HK$70)
▪️柚子鮮蝦沙律 (HK$68)
落完午市餐牌後，就順手睇左下主餐牌😂 唔睇由自何，一睇見到柚子沙律，已經好想食。另外仲有款叫「濱海」小食，出於好奇之下，所以叫埋黎試🙈
以小食黎講，其實兩款都可以叫「大食」。因為份量都好足，對得起個價錢👍 柚子沙律配蝦，上面仲有好多柚子碎，酸酸甜甜好開胃。
係等上菜期間，突登上網睇番資料，咩係「濱海」⁉️ 原來係越南話，意思係煎米粉餅。而依款「大食」燒豬肉串伴濱海 🐷 亦姐係係越式生菜包 配豬肉串。一客有六件米粉餅，面頭有蔥碎同炸蒜，加埋豬肉串再夾生菜😮 味道唔錯，而且唔會油淋淋👍
估唔到今次依間越南餐廳幾好食，一直唔係太好酸野。所以都比較少食越南野，下次可以再黎試下其他既下午茶餐，見到都好抵食，而且份量足，一定夠哂飽😎
Post
