阿久根和牛拉麵屋

Open Now

Now Closed

同朋友去旺角揾好野食，見到有間拉麵店門口幾有日本風，就入去試下。原來係一間專做慢煮同埋和牛既拉麵店。- 慢煮A4和牛叉燒沾麵  + 雞白湯 ($168)招牌拉麵，當然要試下。有兩大塊A4和牛叉燒，因為係慢煮，所以色澤好靚，又保持到軟淋口感，入口即溶。沾麵可選濃蝦湯或者雞白湯。我就試咗雞白湯，雞肉味好重，好濃郁，非常啱沾麵。- 慢煮安格斯牛小排濃蝦湯沾麵  ($148)慢煮牛小排肉質入口軟滑, 相比和牛就會有咬口少少。龍蝦湯底非常濃郁及有好重蝦味，感覺到湯底係落足料，煲咗好耐。拉麵厚身，彈牙，容易掛汁， 掛滿湯汁，十分適合沾麵。食完麵之後，一定要加湯，飲埋個湯底，好正。- 沖繩苦瓜餃子 ($48)苦瓜餃子少見啲，因為唔係個個都鐘意食苦瓜。食落係有少少苦瓜味，唔苦，皮薄香脆，有啲特色。係旺角揾間高質拉麵，真係有啲難。依間和牛拉麵屋，質數一流，值得收藏。