鳥森 (Closed)

熱到成個人溶左，但又好想燒野食。朋友推介左呢間專食日式串既鳥森，話係高質串燒。餐廳環境偏暗少少，乾淨企理，環境都舒服。呢間餐廳特別在食不同燒鳥（雞）的特色部位。今次揀個set有成8款部位，另外再可以揀一款其他燒物同一個主食。精選燒鳥8本：燒雞尾-又嫩又肥美。燒雞胸軟骨-有軟骨既口感又有雞肉夾係中間。燒雞腿肉-勁嫩滑。燒雞掌心-超讚，口感特別。免治雞肉棒 - 配上的生蛋是用了味醂和醬油漬過。燒雞翼-燒到又香，又外脆內滑。燒雞胸肉配梅子醬-8款中較為普通，有梅子醬點綴一下。燒雞頸肉-比較軟淋口感。燒伊比利亞豬肋條-肉味香濃，肉中帶肥口感即化。燒蛋黃漬虎蝦-虎蝦肉質彈牙，已去殼而且有一層蛋皮包裹住，再加上醬漬了的蛋黃，味道新奇，是非一般的燒蝦。燉清雞湯-飲完會好暖身，簡單而清甜既雞湯。惠比壽炭火親子丼-呢個飯有雞肉紫菜，調好味，偏濕潤，係啱小朋友食😄安格斯稻庭烏冬-牛味超濃郁，而烏冬極幼身，好食😋蛋白牛乳奶凍-牛奶味濃，又夠細滑。