申子居酒屋

Open Now

Now Closed

✨Bookmark左「申子」好耐，今日終於出銅鑼灣book埋位，甫進入店內裝修日系，少少日文歌曲背景音樂，感覺唔錯舒服。***** ***** ***** ***** ***** 申子海膽和牛燒🥩多台客人都叫呢道菜，我哋都跟叫一客，廚師會在客人面前用火槍燒牛肉，熊熊烈火最後將和牛包起粒粒晶凝通透日本米飯，再擺上海膽。和牛軟熟入口即溶，不禁大叫Oushi。🦪🦪廣島直送牡蠣鍋牡蠣非常鮮甜，我哋連湯底都沒有放過，全部飲清，湯底有清酒嘅香氣。申子身卷🍣壽司是吞拿魚蓉，魚蓉上面有海膽同三文魚子，味道好夾。鮮蟹肉粥🫕蟹粥質感綿綿的，有好多蟹肉，淡淡都充滿新鮮蟹肉味，一口一口吃，日本米烹調出來的粥品細綿又清甜。總括來說，食材同味道好之餘，這裏環境很好，招呼服務一流，一定會再幫襯。