喜來稀肉 (金巴利道)

Open Now

Now Closed

每次想食地道韓國嘢必定會諗起呢間餐廳，除咗有韓燒之外，所有其他韓式食品都超級好食，另外就係鍾意呢度夠多服務員，所以想再速度或者加嘢食，全部都好快手，不過最最最最鍾意都係呢度個伴菜款式夠多！今日收工過到嚟大概7:30 ，好多已經坐滿晒人，我哋坐低都叫咗幾樣嘢，全部都覺得好正！今次韓燒我哋叫咗牛護心肉，加埋可以任用嘅生菜包，夾埋泡菜食真係勁好味！今次都係第一次食咗雪濃湯，湯底真係又清又夠濃，唔使加鹽已經覺得好好食。朋友就叫咗個石鍋牛肉拌飯，份量超大。最後因為仲想食，所以另外要多一份海鮮拉麵，估唔到我哋真係都食得晒，咁樣真係代表食物超好味囉！