SUKIYA すき家 (時尚坊(第2期))

Open Now

Now Closed

比起火鍋其實佢更加似一個鍋燒烏冬，因為所有嘅配料喺上枱嘅時候基本上已經喺晒個鍋入邊，只有少量嘅生菜同埋額外加錢要嘅雞蛋係額外上枱，湯底係甜甜地嘅壽喜燒味，配料方面除咗有肥牛同烏冬，仲有蟹柳同金菇，飽肚得黎都算豐富，烏冬吸哂壽喜燒汁變得濃味又彈牙，當咗佢係全餐嘅主角～～肥牛分量都唔少，呢個價錢來講算係非常抵食。不過當然走唔甩嘅就係漫長嘅排隊時間，基本上即使係臨收鋪之前佢都要預等返半個鐘以上先可以入座。