Video
Read full review
2022-10-26
219 views
🥢旺角 無限時刺身生醃海鮮酸菜魚和牛火鍋套餐放題🥢我哋成日都會四個人打邊爐，因為貪可以叫多啲唔同叫多啲唔同種類嘅嘢食，又可以吹吓水慢慢傾吓計，今次去咗旺角一間新開不久的火鍋店，除咗無限時，特別想試吓新推出咗一個套餐，有時令刺身同泰式生醃刺身，仲有小菜酸菜魚同火鍋，一於約埋最大食嘅朋友一齊去試吓🥢無限時火鍋放題 鰲拜套餐 $499 /位 (4 位起）🥢黄金魚皮絕對唔係流料，即叫即炸的仲要用上鹹蛋黃炒至起沙，入口脆卜卜帶咸香🥢豉椒鵝腸或錦繡前菜我哋就點咗豉椒鵝腸，鵝腸事先清走大部分鵝油，唔會太肥食多啲唔會有負擔，鵝腸充滿豉汁味食落爽脆🥢時令刺身今日提供的時令刺身係香箱蟹石垣蚌及北寄貝，三款刺身都很新鮮，香箱蟹即係松葉蟹的蟹乸，主要食， 佢蟹黃及蛋子，可以一次過食曬兩樣口感蟹肉甜美，而貝類即劏的，上檯時貝肉仲有繃緊嘅感覺，入口鮮爽甜味🥢生腌時令刺身級海鮮用上泰式酸辣的醬汁醃製，今日提供了西澳龍蝦，鮑魚及海蝦，龍蝦口感細嫩軟熟，鮑魚柔軟口感及醃生蝦的甜美口感🥢主菜主菜方面可以六選一，包括老壇酸菜魚 ，香辣烤魚，水煮牛肉 ，重慶雞煲 ，辣子雞 ，椰子雞，今日揀了酸菜魚，貪佢酸酸辣辣好開胃，魚肉無
🥢我哋成日都會四個人打邊爐，因為貪可以叫多啲唔同叫多啲唔同種類嘅嘢食，又可以吹吓水慢慢傾吓計，今次去咗旺角一間新開不久的火鍋店，除咗無限時，特別想試吓新推出咗一個套餐，有時令刺身同泰式生醃刺身，仲有小菜酸菜魚同火鍋，一於約埋最大食嘅朋友一齊去試吓
🥢無限時火鍋放題 鰲拜套餐 $499 /位 (4 位起）
🥢黄金魚皮
絕對唔係流料，即叫即炸的仲要用上鹹蛋黃炒至起沙，入口脆卜卜帶咸香
🥢豉椒鵝腸或錦繡前菜
我哋就點咗豉椒鵝腸，鵝腸事先清走大部分鵝油，唔會太肥食多啲唔會有負擔，鵝腸充滿豉汁味食落爽脆
🥢時令刺身
今日提供的時令刺身係香箱蟹石垣蚌及北寄貝，三款刺身都很新鮮，香箱蟹即係松葉蟹的蟹乸，主要食， 佢蟹黃及蛋子，可以一次過食曬兩樣口感蟹肉甜美，而貝類即劏的，上檯時貝肉仲有繃緊嘅感覺，入口鮮爽甜味
🥢生腌時令刺身級海鮮
用上泰式酸辣的醬汁醃製，今日提供了西澳龍蝦，鮑魚及海蝦，龍蝦口感細嫩軟熟，鮑魚柔軟口感及醃生蝦的甜美口感
🥢主菜
主菜方面可以六選一，包括老壇酸菜魚 ，香辣烤魚，水煮牛肉 ，重慶雞煲 ，辣子雞 ，椰子雞，今日揀了酸菜魚，貪佢酸酸辣辣好開胃，魚肉無骨啖啖肉，而且湯底酸味不會死酸，辣度平衡剛剛好，酸菜魚湯飲落溫和不搶喉，入面仲有少少薯粉及花生苗等配料
🥢火鍋篇
提供六湯底，今次揀了豬骨湯，入面有買大件豬筒骨絕對足料，先飲一口湯，豬骨味道帶少少胡椒香，店家可以幫手將剛才龍蝦刺身的頭切件，加入湯內熬製湯底，令湯底更鮮味
🥢現切牛拼盤
本來食完魚已經開始飽，見到牛拼盤大大一盤又充滿戰鬥力量，內有牛舌，牛小排及和牛，牛味香濃軟滑，由其和牛入口軟滑細膩，同豬骨湯底配搭特別正
🥢現切沙巴躉
平時買魚最鐘意食就係沙巴躉，估唔到呢到係新鮮切片，只需灼幾灼就食得，中間魚片魚肉無骨好滑溜，旁邊有魚鰭位會有骨肉味會更香
🥢胸口油牛丸
加入了胸口牛油的牛丸，非常爽彈有牛味而且充滿牛脂肪感
🥢手工紫菜響鈴
即炸的響鈴，就咁食卜卜脆有中間有紫菜味，擺落湯底浸一下食都非常正
🥢精美蔬菜籃
估唔到最後的蔬菜籃亦非常高質，用上日本直送超甜白粟米，台灣心裡美蘿蔔，台灣水蓮菜及紫羽衣甘藍，每款蔬菜都精選過，最鐘意的係白粟米非常清甜帶爽，仲有水蓮菜灼兩下就食得落索索聲口感
🥢任點任食
仲有提供安格斯肥牛牛肩胛及牛板腱，伊比利黑毛豬，仲有廣島蠔沙白蜆同埋海蝦等等太多種類，出邊自助仲有丸類及蔬菜可以任食，不過當時我哋幾個都已經飽到完全投降，但係見隔籬枱的任點的肉同海鮮級數都真係幾靚，如果夠食力的朋友可以挑戰吓
🥢出面有大雪櫃自助區飲品大部分汽水茶類都有提供到，另外鐘意超大一個醬料區，有幾十款醬俾你撈，飲品仲有杯熊仔凍檸茶非常打卡，最後仲有雪糕杯送
🥢環境幾舒適有大卡位坐可以傾到計幾有私人空間，店員收檯快速而且很有禮又醒目，會按你食的進度再同你order,套餐食材都真係唔錯而且份量好多，最重要係無限時可以傾計慢慢坐，今次同大食朋友放任咁食法真係食到又開心又滿足
📍 淥鼎記 (旺角)
旺角彌敦道593-601號創興廣場5樓
Post
