Video
Read full review
2024-08-09
50 views
通常放題嘅食物人感覺就係為咗平衡成本，食物質素相對會較低。今次搵到一間例外，就係阿爺八鮮鍋，性價比超高嘅良心小店！裏面嘅海鮮任點，其中仲包括高級食材，例如鮑魚、扇貝、蟶子同埋肉蟹等，無限添加，極易回本，令到我都有啲懷疑人生到底點樣經營到咁抵食嘅價錢～加多$20仲要可以任飲，有時打邊爐食到有啲口渴，一晚真係飲三四罐嘢唔出奇，呢個top up 就啱晒。新推出嘅升級霸王海鮮盤更加係嚴選食材，呢個雖然冇得無限添加，但係居然有龍蝦仲要有膏嘅，真係食一盤都心滿意足。鮑魚仲係識郁嘅，新鮮灼熟鮮味無窮。餐廳仲有抽獎遊戲，幸運兒可以抽到避風塘炒蟹一份，大大隻肉蟹夠晒鑊氣，爆到好香口，同火鍋無添加咁樣煮熟各有千秋，都比較唔到邊樣好食啲。加多128仲有象拔蚌刺身任食，或者可以like 社交平台5-7:30pm時段獲得免費象拔蚌刺身，優惠多到數唔晒！作為一個海鮮控，呢餐真係令我超興奮，搞到少左提其他火鍋配料。其實牛肉都好靚好嫩滑，蝦滑同龍躉片等都好好味，連豬天梯呢啲比較少見嘅食材都有得點，種類繁多包羅萬有。而且每檯都包雞煲一個，辣辣地調味一流。但係我最鍾意嘅都係橋底炒辣蟹，龍蝦同埋象拔蚌刺身等等，真係食過翻尋
餐廳仲有抽獎遊戲，幸運兒可以抽到避風塘炒蟹一份，大大隻肉蟹夠晒鑊氣，爆到好香口，同火鍋無添加咁樣煮熟各有千秋，都比較唔到邊樣好食啲。加多128仲有象拔蚌刺身任食，或者可以like 社交平台5-7:30pm時段獲得免費象拔蚌刺身，優惠多到數唔晒！
作為一個海鮮控，呢餐真係令我超興奮，搞到少左提其他火鍋配料。其實牛肉都好靚好嫩滑，蝦滑同龍躉片等都好好味，連豬天梯呢啲比較少見嘅食材都有得點，種類繁多包羅萬有。而且每檯都包雞煲一個，辣辣地調味一流。但係我最鍾意嘅都係橋底炒辣蟹，龍蝦同埋象拔蚌刺身等等，真係食過翻尋味，推介大家一定要試吓！
Post
