Video
Read full review
2009-01-03
5 views
OpenRice 真係好幫得手, 隨時隨地可透過OR 食評網取得美食資訊。今次又係多得OR, 我哋兩公婆先知道元朗有間超讚茶餐廳。地方唔算大, 但勝在卡位夠多, 亞姐又唔會將啲食客迫埋一齊坐, 所以都坐得好舒服。裝修唔算新淨, 但係環境尚算乾淨企理。午飯時間抵達, 我哋點咗A餐同E餐, 老婆話想食沙爹牛肉包, 咁就叫多個茶餐一齊食。午餐附送餐湯, 有忌廉湯, 羅宋湯同是日中湯可任擇一款。我飲忌廉湯, 而老婆則要了羅宋湯。忌廉湯幾好飲, 好有舊式扒房如金雀或金鳳白湯的風味, 老婆的羅宋湯味道偏淡, 唔夠酸又唔夠味, 比較差。A餐係田園雞扒飯, 又估唔到田園汁味道係咁清新, 醬汁裡頭由甘荀粒同西芹粒煮成, 雖然我唔喜歡食呢兩種蔬果, 但係味道的確與香煎雞扒幾夾得來, 而且飯粒分明, 飯煮得唔會過軟, 保留少少硬度有嚼頭, 係我杯茶, 所以好快就掃晒碟飯。E餐係鮮茄餐肉焗豬扒飯, 呢個製作需時, 因為要焗, 所以要耐少少先來。新鮮焗起熱辣辣, 味道仲好味過大家樂, 份量又大, 仲多咗兩塊餐肉, 炒飯底又夠蛋香, 真係抵食夾大件, 超讚!老婆點名話想食嘅沙爹牛肉包, 係用焗香嘅甜餐包整, 甜餐
今次又係多得OR, 我哋兩公婆先知道元朗有間超讚茶餐廳。
地方唔算大, 但勝在卡位夠多, 亞姐又唔會將啲食客迫埋一齊坐, 所以都坐得好舒服。
裝修唔算新淨, 但係環境尚算乾淨企理。
午飯時間抵達, 我哋點咗A餐同E餐, 老婆話想食沙爹牛肉包, 咁就叫多個茶餐一齊食。
午餐附送餐湯, 有忌廉湯, 羅宋湯同是日中湯可任擇一款。我飲忌廉湯, 而老婆則要了羅宋湯。
忌廉湯幾好飲, 好有舊式扒房如金雀或金鳳白湯的風味, 老婆的羅宋湯味道偏淡, 唔夠酸又唔夠味, 比較差。
A餐係田園雞扒飯, 又估唔到田園汁味道係咁清新, 醬汁裡頭由甘荀粒同西芹粒煮成,
雖然我唔喜歡食呢兩種蔬果, 但係味道的確與香煎雞扒幾夾得來,
而且飯粒分明, 飯煮得唔會過軟, 保留少少硬度有嚼頭, 係我杯茶,
所以好快就掃晒碟飯。
E餐係鮮茄餐肉焗豬扒飯, 呢個製作需時, 因為要焗, 所以要耐少少先來。
新鮮焗起熱辣辣, 味道仲好味過大家樂, 份量又大, 仲多咗兩塊餐肉,
炒飯底又夠蛋香, 真係抵食夾大件, 超讚!
老婆點名話想食嘅沙爹牛肉包, 係用焗香嘅甜餐包整, 甜餐包外脆內軟,
內裡夾住啲惹味的沙爹牛肉, 外甜內鹹, 味道一絕。
老婆仲話下次要試埋呢度啲豬扒包。
老婆亦都大讚呢度啲凍奶茶同茶走, 可能鍾意夠奶味啦。
而我杯凍檸茶都唔錯, 夠凍又夠酸。
亞姐啲服務好好, 樣樣快快手手, 有問有答又跟得足, 臨走仲會講聲多謝,
食客聽到都會覺得開心啲, 下次再嚟幫襯過!
抵食係攞滿分, 因為食咗咁多加埋都唔使八十個大洋, 又平又飽又好食。
而家唔過三十蚊而又要好食嘅午餐去邊度搵呀?!
Post
