Video
Read full review
2022-12-03
851 views
📌 雪山冰廳 - 長沙灣青山道413號東景大廈地下4-5號舖🗓(3/12) 星期五 ⏰ 下午5點左右 💈特式：今日咁啱係長沙灣放學，經過呢間有66年歷史嘅冰室，即刻決定同朋友食返個下午茶先。佢地位於長沙灣呢間係新店，裝修方面都比較新式，佢地總店仍然屹立係深水埗，我以前時不時都會去幫襯。🥩🍔🌭🌮🥗🥯🥘🍲🍝🍣🥟🍤🍱食物：今日一行3人，叫左3個下午茶sets同一個招牌椒鹽豬扒飯，等我同大家講下味道先。避風塘生炸髀 - 呢隻雞脾size都幾大，上枱仲熱辣辣，個皮炸得好脆，入面d肉仲keep到好Juicy，加埋d避風塘炸蒜，真係脆上加脆。榛子醬西多士 - 個西多士做得幾厚身，個厚包加埋榛子醬，味道幾夾，食落好香口。雪山沙嗲牛肉公仔麵 - 呢個常餐左左個沙嗲牛肉麵，仲配埋餐肉/炒蛋/多士，個沙嗲牛肉又做得好香，成個餐整體都幾抵食。招牌椒鹽豬扒飯 - 呢個飯份量好大，豬扒又多，椒鹽味炒個飯炒得好香口又乾身，呢豬扒夠入味又唔鞋，加上佢椒鹽嘅少少辣，認真惹味。☕️🍵🥤🧋🍺🍷🥃🍹🧉🍾🍶🥛飲品 - 我地見到佢有出名嘅樽仔奶茶，所以一定要叫啦，佢d奶茶好香滑，又有茶香味，用樽仔原支雪凍又唔會飲到差唔多比d
🗓(3/12) 星期五 ⏰ 下午5點左右
💈特式：今日咁啱係長沙灣放學，經過呢間有66年歷史嘅冰室，即刻決定同朋友食返個下午茶先。佢地位於長沙灣呢間係新店，裝修方面都比較新式，佢地總店仍然屹立係深水埗，我以前時不時都會去幫襯。
🥩🍔🌭🌮🥗🥯🥘🍲🍝🍣🥟🍤🍱
食物：今日一行3人，叫左3個下午茶sets同一個招牌椒鹽豬扒飯，等我同大家講下味道先。
避風塘生炸髀 - 呢隻雞脾size都幾大，上枱仲熱辣辣，個皮炸得好脆，入面d肉仲keep到好Juicy，加埋d避風塘炸蒜，真係脆上加脆。
榛子醬西多士 - 個西多士做得幾厚身，個厚包加埋榛子醬，味道幾夾，食落好香口。
雪山沙嗲牛肉公仔麵 - 呢個常餐左左個沙嗲牛肉麵，仲配埋餐肉/炒蛋/多士，個沙嗲牛肉又做得好香，成個餐整體都幾抵食。
招牌椒鹽豬扒飯 - 呢個飯份量好大，豬扒又多，椒鹽味炒個飯炒得好香口又乾身，呢豬扒夠入味又唔鞋，加上佢椒鹽嘅少少辣，認真惹味。
☕️🍵🥤🧋🍺🍷🥃🍹🧉🍾🍶🥛
飲品 - 我地見到佢有出名嘅樽仔奶茶，所以一定要叫啦，佢d奶茶好香滑，又有茶香味，用樽仔原支雪凍又唔會飲到差唔多比d冰溝淡晒，所以成為店舖招牌之一並唔係冇原因的。
🍽環境：餐廳環境同裝修就同普通茶餐廳差唔多，有好多卡位，坐位同枱面空間都好闊落，地方亦都乾淨企理。
🤵🏻🤵🏻♀️🤵🏻♂️服務：員工服務態度好好，同埋可能因為我去個時間係下午茶時段，所以樓面職員比較少，但佢地仍然保持好好嘅服務水準，上野食速度亦都好快，唔洗等好耐。
💰💸價錢：咁樣叫左3個下午茶sets，再額外加左一個散叫炒飯，飲品仲要加錢轉埋樽仔奶茶，埋單先係$200左右，我就覺得非常抵食。
🐲💬總結：我覺得呢間餐廳雖然有一定歷史，但亦會加入新穎嘅菜式，而食物質素亦好好，所以我都好推薦大家嚟試下。
推薦指數：❤️❤️❤️❤️🤍
避風塘生炸髀
21 views
0 likes
0 comments
榛子醬西多士
17 views
0 likes
0 comments
榛子醬西多士
13 views
0 likes
0 comments
雪山沙嗲牛肉公仔麵
13 views
0 likes
0 comments
招牌椒鹽豬扒炒飯
13 views
0 likes
0 comments
Post
