Video
Read full review
2020-09-27
177 views
身邊有唔少朋友都推薦嚟間聲稱全香港最好食嘅喇沙麵店。今日襯朝早有野做去左灣仔，做完見都早早地就決定去試下Rempah noodles朝早11點半開門，11點搭7去到已經見到有三張枱有客！店員都幾有禮貌，見我拎住一袋二袋好主動幫我掛起。Menu上面得三種主食: 喇沙面，乾喇沙同埋蝦麵。今次試咗Nonya Laksa Lemak. 由落單到上菜到只係用咗3分鐘！碗麵嘅擺盤真係幾靚，配料都幾足:有魚片，雞蛋，雞絲，豆腐卜仲有一排蝦！配料幾新鮮，魚片條好脆口，有魚味，雞絲冇雪味，同埋都唔鞋。芽菜分量都幾多。蝦就有兩隻半，都幾大隻但有一兩塊唔係好新鮮。麵嘅部份就用咗米線。講真係有啲失望，因為如果係油麵同米粉(滲滲)會更加正宗。米線嘅口感係偏硬身(我中意食硬麵)但就唔係同個湯好夾同掛汁。湯汁入面見到有好多香茅碎同其他香料，真係睇得出佢係自家製嘅，但係對我嚟講就太重椰汁味同可以再咸多啲啲。另外我仲加左$15要杯青檸冰茶，嚟杯反而幾有驚喜。茶底應該係拉茶嘅茶底，燈光下面係呈現橙紅色。飲品本身唔會太多冰同埋已經加咗少量糖水，大概係微糖嘅甜道，夏天飲攞嚟解膩都幾好。12點正舖頭入面已經冇晒吉位，出面亦已經
Rempah noodles朝早11點半開門，11點搭7去到已經見到有三張枱有客！店員都幾有禮貌，見我拎住一袋二袋好主動幫我掛起。Menu上面得三種主食: 喇沙面，乾喇沙同埋蝦麵。
今次試咗Nonya Laksa Lemak. 由落單到上菜到只係用咗3分鐘！碗麵嘅擺盤真係幾靚，配料都幾足:有魚片，雞蛋，雞絲，豆腐卜仲有一排蝦！配料幾新鮮，魚片條好脆口，有魚味，雞絲冇雪味，同埋都唔鞋。芽菜分量都幾多。蝦就有兩隻半，都幾大隻但有一兩塊唔係好新鮮。麵嘅部份就用咗米線。講真係有啲失望，因為如果係油麵同米粉(滲滲)會更加正宗。米線嘅口感係偏硬身(我中意食硬麵)但就唔係同個湯好夾同掛汁。湯汁入面見到有好多香茅碎同其他香料，真係睇得出佢係自家製嘅，但係對我嚟講就太重椰汁味同可以再咸多啲啲。
Nonya Laksa Lemak
$98
23 views
0 likes
0 comments
另外我仲加左$15要杯青檸冰茶，嚟杯反而幾有驚喜。茶底應該係拉茶嘅茶底，燈光下面係呈現橙紅色。飲品本身唔會太多冰同埋已經加咗少量糖水，大概係微糖嘅甜道，夏天飲攞嚟解膩都幾好。
Iced Tea with Lime
$15
15 views
0 likes
0 comments
12點正舖頭入面已經冇晒吉位，出面亦已經有四張枱等緊位！真係好誇張呀！整體來講，味道係一個中規中矩嘅喇沙，灣仔嚟講個味道都對得住個價錢。如果有下次機會黎會想試吓kaya toast
Post
