青花亭 (Closed)

作為呢區街坊，基本上成個油尖旺都係我行得到嘅距離，去得到幫襯嘅餐廳，時間就到我都會去。呢度唔算難搵，係荔枝角道，呢邊唔算好熱鬧。我黎到已經係late lunch，無乜人，幾嘆。睇左一陣餐牌，幾樣都想食。先黎餐湯，超級豐富，又唔稀，得喎！餐廳門口都有搓手液，亦有啲文宣攞。烤焗美國春雞配野菌忌廉汁扁意粉，78元。隻雞皮脆肉嫩，有脾有肉，完全係好滿足。同時亦鎖住肉香，係真正即叫即整，係輕撕開皮嘅一刻熱到煙係衝哂出黎。意粉無好孤獨地係下面hea住，同樣熱度等待浮上黎，汁夠哂，唔會稀。份量非常足，而且唔過100元！真係超級驚喜。加杯cappuccino都係8元，正！望下四周環境，中國風嘅裝修同西式餐有強烈對比，但又唔會唔夾。自由創作。用心製作，係好重要，我認為係我食過性價比係最高之一嘅餐廳，我食緊嘅過程已經不斷推介俾朋友。離開個陣已換上晚餐餐牌，唔算貴。