Video
Read full review
2020-05-28
513 views
Nutmad #觀塘 #黃店💛💛💛❗️超高質勁多好評Cafe 依家仲念念不忘❗️位於觀塘工業大廈，隱藏着呢一間好評如潮嘅高質Cafe❣️主要售賣意大利粉、risotto等西式食品，仲有個個人都推介嘅法式多士🍞好開心終於嚟到呢一間Cafe，真係好味到不得了，好想不停再食。Cafe環境唔算太大，有幾張四人枱、少量窗邊位同吧枱，經常大排長龍，建議去之前book定位，如果想要窗口位嘅可以同佢地request㗎！11:30-18:30去到有lunch set，包餐湯同埋嘢飲，當日有濃郁嘅薯仔湯。煙燻豬豬卡邦尼🍝$108意粉做到al dente👍🏻同正宗嘅卡邦尼一樣唔用忌廉，用上蛋汁、芝士、煙肉油同埋黑椒煮成醬汁，唔係走creamy路線，但就好香，唔會好似大部份嘅卡邦尼咁膩😆特別欣賞佢用咗三種唔同嘅豬肉製成，包括豬面肉、煙腩片同埋意大利煙肉，甜甜地、有唔同口感，配上特別嘅芝士脆片，口感豐富💖。味道: 4.3/5性價比: 4.4/5慢煮伊比利黑毛豬🐷$188非常厚身，用慢煮方式烹調，肉質微微呈粉嫩色，夠晒嫩🥰味道同燒烤用嘅蜜糖汁相似，甜甜地配上彩椒酸汁，清新減膩。味道: 4.3/5性價比: 4.2/5焦糖
❗️超高質勁多好評Cafe 依家仲念念不忘❗️
位於觀塘工業大廈，隱藏着呢一間好評如潮嘅高質Cafe❣️主要售賣意大利粉、risotto等西式食品，仲有個個人都推介嘅法式多士🍞好開心終於嚟到呢一間Cafe，真係好味到不得了，好想不停再食。
Cafe環境唔算太大，有幾張四人枱、少量窗邊位同吧枱，經常大排長龍，建議去之前book定位，如果想要窗口位嘅可以同佢地request㗎！
11:30-18:30去到有lunch set，包餐湯同埋嘢飲，當日有濃郁嘅薯仔湯。
煙燻豬豬卡邦尼🍝$108
意粉做到al dente👍🏻同正宗嘅卡邦尼一樣唔用忌廉，用上蛋汁、芝士、煙肉油同埋黑椒煮成醬汁，唔係走creamy路線，但就好香，唔會好似大部份嘅卡邦尼咁膩😆特別欣賞佢用咗三種唔同嘅豬肉製成，包括豬面肉、煙腩片同埋意大利煙肉，甜甜地、有唔同口感，配上特別嘅芝士脆片，口感豐富💖。
味道: 4.3/5
性價比: 4.4/5
慢煮伊比利黑毛豬🐷$188
非常厚身，用慢煮方式烹調，肉質微微呈粉嫩色，夠晒嫩🥰味道同燒烤用嘅蜜糖汁相似，甜甜地配上彩椒酸汁，清新減膩。
味道: 4.3/5
性價比: 4.2/5
焦糖香蕉雪糕法式多士🍞$82
喺香港真係好難搵到呢一種法式西多💕唔係一般茶餐廳嘅港式炸西多，而係內外都浸滿奶蛋漿，然後再煎。外層唔係脆但香，內裏好似燉蛋custard咁濕潤creamy，配上雪糕一冷一熱真係好正😍！
味道: 4.6/5
性價比: 4.3/5
整體來講呢一間Cafe真係超級高質，價錢又唔算好貴，極值得支持💛餐廳採用開放式廚房，放到廚師用心嘅製作，侍應亦非常友善！
慢煮伊比利黑毛豬
$188
76 views
0 likes
0 comments
慢煮伊比利黑毛豬
$188
53 views
1 likes
0 comments
慢煮伊比利黑毛豬
$188
56 views
0 likes
0 comments
煙燻豬豬卡邦尼
$108
69 views
0 likes
0 comments
焦糖香蕉雪糕法式多士
$82
84 views
0 likes
0 comments
焦糖香蕉雪糕法式多士
$82
126 views
1 likes
0 comments
焦糖香蕉雪糕法式多士
$82
154 views
0 likes
0 comments
Post
